Kīpsolā byus nūpierkamys jaunuokuos latgalīšu gruomotys

Nu 1. leidz 4. martam „Latvejis Gruomotu izstuodē 2012” Kīpsolā byus latgalīšu gruomotu golds, kur varēs nūpierkt gruomotys kai latgalīšu volūdā, tai cytuos volūduos, kas saisteitys ar Latgolu i juos ļaudim.

Gruomotu goldā byus pīejams ap 170 vysaidu latgalīšu gruomotu, tymā storpā i poši jaunuokī izdavumi: Raibuo Suņa debejis stuostu kruojums „Pyrma syltī”, Ontona Slišāna pādejais bārnu dzejūļu kruojums „Labi, ka labi” i poļaku folkloristis Stefanejis Uļanovskys 19. g. s. pietejums „Pūļu Inflantejis latvīši”, kai ari 33 vysaidi latgalīšu muzykys diski.

Latgalīšu gruomotu golds ir mobils „kiosks”, kur vīnā vītā pīejama plašuokuo vysaidu Latvejis izdevieju latgalīšu i Latgolai veļteituos literaturys tematiskuo kūpa.
Gruomotu goldā pīejamys kai latgaliski saraksteituos gruomotys, tai gruomotys par Latgolu cytuos volūduos. Skaiteituojim teik pīduovuota daiļliteratura i izziņu literatura, pietejumi par latgalīšu volūdu i Latgolys regiona kulturu.

Latgalīšu gruomotu golds ir navaļstiskuos organizacejis „Latgolys Studentu centrs” iniciativa – bīdreiba ir sataisejuse mobilū „kiosku”, kur jaunīši breivpruoteigi tiergoj gruomotys i diskus, kab veicynuotu latgalīšu literaturys atteisteibu i atvīglynuotu latgalīšu gruomotu ceļu pi skaiteituoja.

Latgalīšu gruomotu golds darbojās nu 2010. gada. Mobilais „kiosks” regulari izbrauc iz vysaidom Latvejis vītom i struodoj vysaidūs ar Latgolu saisteitūs kulturys pasuokumūs.

Paļdis kotram, kas paleidz tierguot i izplateit latgalīšu izdavumus i diskus! Paļdis kotram pierciejam! Nūpierkūt latgalīšu gruomotys i diskus, tu veicynoj jaunu kulturys nūtykumu tapšonu.

Ikdīnā precis atsarūn LgSC Reigys birojā. Adrese Antonejis īla 8-3/6, biroja dorba laiks trešdīnēs nu 17:00 da 20:00 stuņžu. Kontakti: reiga@lgsc.lv, tel. 282 404 41 (Kristīne)
Gaideisim gostūs!

Vaira dazynuošonys: http://lgsc.lv/gruomotys/

 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]