Reitu, 18. augustā Reigā nu 12:00 – 18:00, Mežaparkā (Ūstys prospektā) gasteis Latgolys tematiskī cīmi.

Latgolys tematiskī cīmi ir Latgolys planavuošonys regiona eistynuots projekts, kas aizasuocs 2010. goda vosorā ar mierki atteisteit Latgolys pīrūbežu cīmu konkurētspieju. Projektā īsaisteiti 14 cīmi – 10 nu Latgolys i 4 nu Lītovys. Latgolā ir Turku pierts cīms, Mozais zaļais lelveikals Rūžupē, Kotleru veinu cīms, Višķu amatnīku cīms, Šmukuos Izabelys cīms, Indrys rūžu cīms i daudzi cyti. Ar cīmim vaira var īsapazeit Latgolys planavuošonys regiona sātyslopā www.latgale.lv.

Tematiskū cīmu pasuokumā varēs nūpierkt šmukys i saimisteibā nūdereigys montys, kurys taisejuši Latgolys ļauds, paraudzeit i nūpierkt vītejuo rožojuma produktus – sīru, veinu, maizi i ekologiski audzātus duorzeņus, taipat dorbuosīs latgalīšu gruomotu i muzykys disku golds i byus vareiba pīsadaleit atrakcejuos i meistarklasēs.

Latgolys Regionaluos televizejis sižets par tematiskūs cīmu gasteišonu Daugovpilī

.