Vakar Bieržgaļa kulturys nomā nūtyka Latgalīšu kulturys Goda bolvys “Boņuks 2012” padūšonys ceremoneja. Žurejis sastuovā beja pavysam 22 cylvāki, sovys nūzaris eksperti. Kotrs attīceigi viertēja kategorejis, kuruos jis ir kompetents i kuruos pats nav tīši īsaisteits. Pavysam viertiešonai tyka īsnāgti apmāram 200 nūtykumi i cylvāki. Lobuokī nu tīm nomināti kotrā nu kategorejom. Jau ūtrū godu piec kuortys LaKuGa ir tikuse pi Boņuka kai latgalīšu kulturys masu medejs. Nūpalni pīsanuokās īprīkšejai portala redaktorei Edeitei Husarei. Apsveicam!

Par īguļdiejumu latgalīšu kulturys atteisteibā bolvu sajēme Valentina Mičule – ilggadeja folklorys kūpys „Vīraksne” vadeituoja Atašīnis pusē, tautys dzīšmu i danču vuocieja, Leluos folklorys bolvys, Atzineibys Krysta seviškis pakuopis gūda zeimis i Folklorys gūda zeimis sajiemieja.

 Puorejuos bolvys sajēme:

Sabīdreiba i kultura

Goda cylvāks – Ruta Cibule

Lobuokais pasuokums/projekts – 3. Pasauļa Latgalīšu konference–saīts

Latgalīšu kulturys sponsors/mecenats – Vaļsts kulturkapitala fonds (VKKF)

Goda pošvaļdeiba – Rēzeknis nūvoda pošvaļdeiba

Latgalīšu sabīdriskuo organizaceja – Bīdreiba “Latgolys Studentu centrs”

Lobuokais latgaliskais pasuokums školā – Sasadzīduošona Daugpiļs Vaļsts gimnazejā

Goda školuotuojs – Guntra Kuzmina (Bieržgaļa pog.)

Lobuokais latgaliskais pasuokums kulturys/tautys nomā – “Piļsātā nikod napalīk tymss”, Rēzeknis Tautys teātra i veiru kuora „Graidi” izruode

Goda kulturys darbinīks – Ruta Cibule (Viļakys, Bolvu nūv.)

Goda folklorys darbinīks – Sandra Stare, Rēzeknis KN Folklorys draugu kūpa „Vīteri”

Goda amatnīks – Vēsma i Aivars Ušpeļi, pūdnīki

Lobuokuo publicitatis akceja latgalīšu kulturā – Šekspirs Latgaliski – Daugpiļs teatra izruode “Vosorys saulgrīžu burvesteibys”

Latgolys vuorda populariziešona kulturā  – “Kolnasāta”, LR1

Lobuokais audio/video raidiejums/sižets masu medejūs – “100 g kulturys”, LTV1. Šekspirs latgaliski i I.Sperga

 

Muzyka

Lobuokuo pop/rock stila dzīsme – Dabasu Durovys “Pusnakts Triādis”

Lobuokuo šlagera stila dzīsme – Migla “Vīna jauna meitiņa”

Lobuokuo folk/tautys muzykys stila dzīsme – Aija Eriņa “Vysa pyrma”

Lobuokuo alternativuo (ci underground) stila dzīsme – Kvāps feat.Vītnīks “Es šudiņ našuceju”

Lobuokais muzykys albums – Dabasu Durovys “Styklu vītā skaņa”

Lobuokais muzykys video – Dabasu Durovys “Pusnakts Triādis”

Goda debeja muzykā – Ausmeņa Records

Radejis hits (dati nu LaIPA par vysvairuok spieļuotajom latgalīšu dzīsmem Latvejis radiostacejuos 2012. godā) – Galaktika „Paleidzi Dīvs”

 

Literatura

Lobuokuo proza – Ilze Sperga “Puika mežā”

Lobuokuo dzeja – Anna Rancāne “Pylni kārmani dabasu… Bezdeleigu posts”

Lobuokais izdavums/gruomota – Anna Rancāne “Pylni kārmani dabasu… Bezdelīgu pasts”

Spylgtuokuo publikaceja škārsteiklā/presē – Valentins Lukaševičs “Kotrai tautai ir sovi latgalīši”

Spylgtuokuo debeja literaturā – Pai!

 

Karteņuos pavysam nalels īskots pasuokumā:

Kartenis: Mārtiņš Vorkalis
Ziņu sagataveja: V. Vilcāne