22. majā nūtiks Latvejā vēļ nabejušys saceņseibys – „Eko Orientēšanās standarta automašīnām”, kas leidz 200 km garā trasē Reigys apleicīnē apvīnuos orientiešonuos ar mašynom, ralleja i ekobraukšonys elementus, kai ari kontrolpunktūs nūdrūšynuos dalinīkus ar vysaidim aizraujūšim puorbaudiejumim.

13. novembrī 15:00 stuņdēs Reigā, Latvejis Nacionalajā bibliotekā, Kr. Barona īlā 14, tiks atkluota Preiļu Viesturis i lītiškuos muokslys muzeja sagataveita izstuode "Lūgu stuosti"

saguoja lobs detektivs - atrūņ 2009. goda latgalīšu literaturu. a ni besa. vysa kuo ir, a literaturys to nav.
latgalīšu gruomotys kai partizani. mekleisi i naatrassi. namekleisi, pošys izleiss i īsaus kai nu blisis ar suoli ūkstā.
kaids breinums, ka latgaliski nivīns naskaita. nav jau kuo skaiteit. nav latgalīšu gruomotu. ka ir, to senila paskota i ar pabrīsmeigu saturu, ka kauns pasauļam ruodeit. da i tūs pošu navar atrast.
paraugi raksteit svīkstu i konkurēt ar pasauļa literaturu. voi dreižuok - kaidam patriotam juobyut, kab skaiteitu svīkstu tik deļtuo, kam jis sakults latgaliski.

Šudiņ asu puorskaitiejuse nazyn cik latgalīšu puosoku. Paradokss, tok pošys lobuokuos nu jūs beidzās cīši švaki.
Muna meiluokuo puosoka ir par veceiti i vecineiti. Vecs īsēja zierni, vecineite pupu, zierņs sakolta, a pa pupu jī obeji izkuope dabasūs. Vyss labi, cikom dabasūs jēme i sasastreidēja sovā storpā. Deļtuo Dīvs jūs nūsvīde nu dabasu, jī nūkryta, nūsasyta i nūmyra. :) Optimismam nav pamata.
Tok taida troka puosoku skaiteišona navar palikt bez seku. Ite inspiracejis auglis - puosoka par sīvītem.