SPĒLE

Akcejis “Latgalīšu volūdai draudzeiga vīta” mierkis ir mudynuot latgalīšus kasdīnys saziņā izmontuot latgalīšu volūdu, kai ari veicynuot sabīdreibys izpratni par latgalīšu volūdys vierteibu i pozitivu attīksmi pret tū. Akceju reikoj latgalīšu kulturys ziņu portals lakuga.lv i latgalīšu kulturys kusteiba “Volūda”.

Kab lobuok īpazeitu latgaliskū Rēzeknē, asam sagatavejuši spēli “Latgalīšu volūdai draudzeiga vīta – ite Rēzekne!”, kas izvess caur 13 latgalīšu volūdai draudzeigom vītom piļsātā. Pyrma tuo aicynojam dabuot aplikaceju “Actionbound” i kuojis sagataveit 5 km garam ceļam iz pusūtru stuņdi.

• Spēlis nūsacejumi LTG.
• Spēlis nūsacejumi LVS.

Esi gotovs?

NŪSACEJUMI

Spēlē var pīsadaleit vysi interesenti nu sevkurys Latvejis (i cytys pasauļa) vītys, kuri apmeklēs 13 “Latgalīšu volūdai draudzeiga vīta – ite Rēzekne!” spēlis vītys Rēzeknē, īpazeistūt vītys i tūs pīduovuojumus, pyldūt vysaidus aizdavumus.

Spēli reikoj latgalīšu kulturys kusteiba “Volūda” i latgalīšu kulturys ziņu portals lakuga.lv.

Spēlē byus vareiba pīsadaleit sevkuram interesentam, ari nasaregistrejūt i naapstyprynojūt sovu pīsadaleišonu. Spēle i informativuos nūruodis ir daīmamys piļsātvidē naīrūbežuotā laikā kai izzynojūšs i izgleitojūšs pasuokums i materials.

KAI PĪSADALEIT SPĒLĒ?

1. Īluodej teleponā aplikaceju “Actionbound“;

2. Roksti maklātuojā “Latgalīšu volūdai draudzeiga vīta” voi skenej spēlis QR kodu;

3. Roksti sovu Vuordu*, sekoj spēlis nūruodem, pyldi aizdavumus i īpazeisti latgalīšu volūdai draudzeiguos vītys Rēzeknē;

4. Kab pīsadaleitū apbolvuošonā, spēlis pēdējā punktā īvodi sovu e-postu*, tai apstyprynojūt sovu pīsadaleišonu spēlē;

5. Pasadoli ar biļdem, ka pīsadoli spēlē, socialajūs teiklūs, līkūt seikšaļtenis atzeimi #LTGdraudzeigs

*Personys dati tiks izmontuoti viņ spēlis organiziešonā saskaņā ar GDPR – Eiropys Parlamenta i Padūmis Regulu (ES) 2016/679 (2016. goda 27. apreļs) par fizisku personu aizsardzeibu attīceibā iz personys datu apstruodi i taidu datu breivu apriti i ar kū atceļ Direktivu 95/46/EK (Vyspuorejuo datu aizsardzeibys regula).

MARŠRUTS

Spēle i cytys “Latgalīšu volūdai draudzeiga vīta – ite Rēzekne!” aktivitatis teik reikuotys ar Rēzeknis vaļstspiļsātys pošvaļdeibys agenturys “Rēzeknis Kulturys i turisma centrs” Mozūs kulturys i turisma projektu konkursa atbolstu. Akceja “Latgalīšu volūdai draudzeiga vīta” ir vīna nu latgalīšu kulturys kusteibys “Volūda” projekta “Latgaliskuos kulturvidis styprynuošona: sabīdreiba, izpratne i īsaiste” aktivitašu, kurys 2023. i 2024. godā atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.