Deļkam rakstēt kaidu blogu, ja eisti pascēt tai i nav kuo… Voi, nikas nav nūvārots, izdzeivuots i puordūmuots. Cyti tai i roksta – koč kaidus īrokstus, četrus vuordus treis rindeņuos, tod lupej statistiku – O, verīs cik as dižens!

Maņ pošam napateik skaitiet ni puoruok garus tekstus ni eisus. Nui, as vot itaids

Kai juoroksta? Easy. Īmet rīkšovu par kaidom ta aktulitatem, nūtykumim, nūrisem. Pīmāram, par „Jaunū Viļni” (kuru vysi nūlīdz, bet ar ocu golu sekoj jaunumim), par kaida muzikanta nuovi (jo par tū roksta vysi), plus par tovim sexa pīdzeivuojumim, i veļ kaidu vuordu par gejim (jo tys natīši ari interesej vysus). Nu, i verīs! Ir vyss –  Full service.

Maņ, tai ir, ka vosorā i juoskrīn i juodora, ka eisti i blogu aizmierstu parakstēt. Kai, ta itymā vosorā pastruoduosi?! Plus, itys korstīs laiks atjēme maņ munu vosoru.

Zīma …vot tys ir godalaiks, ka eisti nav nikur juozasteidz, i var mīreigi kūpā ar čaju kū naviņ uzražuot.

Bet pa itū laiku sabeju Leivuonu muzykys festivālā. Nazynu, kū i pasceit. Vaira nūzajiemu ar fotografiešonu. Gon muzykantu, gon saguošū tī ļaužu. Festivals sovaižuoks, kai paguošū godu. Sajiuta beja taida, ka itys pasuokums nūteik jau kazyn kuru godu piec kuortys – vyss zynoms. Nu skateituojim dzierdieju, ka gribiejuos vairuok grupu i dažaiduokys. Sacēsim gūdeigi – viņa ar latgalīšu rock grupom ūbermega pasuokumu gryušai paviļkt, i vēl ,ka kaidu īnuokumu ceri, to  … ir, kai ir, bet nav.

Lai voi kai, Leivuonu festivāls nūtyka i puļcē sovu skateituoju skaitu. Itam festivālam byus i sovs viestiejums, jo medicinys darbinīki nakts malnumā aizruove kaidu dāmu iz slimineicu – suokuos dzemdeibys. Lai aug sprauns bierneņš!

Vyspuor verīs juļs tik jau pylns ar vysaidim festivalym i atrakcejom, ka spiej viņ jorzuotīs apliek. Tys, prūtams, ka ir aizakiers kids līkīs lats, voi veļ nauda nu dzeda puordūtuos zemis 3ha pi azara.

Paspieju 2x vīnys nedelis laikā sabyut Reigā. Nav jau ni vainis, tok maņ tei ryukuošona  ari atjam nervus i kaidu nervu iz čūksta, jo napateik troki gari ceļa pūsmi vintuleibā ,bez atraktivim bīdrim. Koč ari kaidā autobusā, tymā pošā vīnā vītā var izdzeivuot puors dzeivis ar vysu „kopeja nūstuošonu” i jimšonu J-pilī. Kotram sovys atrakcejis. Deļtam maņ TV i jau vairuok kai puors godus navāg. Tymā pat saīšonā dzierdieju, ka Lv šur-tur pazaruoda taidys cylvāku grupeņis, kas nazaver tū besu. Ja, nav vīna ir cyts. Ir cytys īspiejis, kai sevi pilnveiduot/degradēt/nazalikt ni ziņis. Internets ir vīns nu tīm. Ite tev koč paspeid īspiejis pošam nūteik – kū viersīs, kū dareisi. Na pazakļaut tam, kū tev uzspīž. Bet nu kotram sova buļvu voga.

Zato atpakaļceļā saguo braukt ar elegantu [skaiti: naārtu] viļcīni Reiga – Moskova. Tautā sauktu par „Moskovīti”. Pi naierteibom pīrūn i dažreiz jimuos sliepās sova veida burveiba, bet as brauču tymā datumā i dīnā, kod valni donucuo pa zemis viersu.

Vagons pylns ar ļaudim. Puorsvorā vysi runoj krīviski. Goduos ari pa kaidam latvīšu krīvam. Natuoli nu mane divi veirīši beja īgrymuši gon olā, gon sarunuos par vysu. Auto, sīvītis, medeibys, dekoderi, nu i prūtams i kaida „žopa” pi myusu niule nūteik, i.t.t. Cik jau varē dzierdeit to Moskovys krīvs izaruodē sakareiguoks par Reigys. Koč mani tys napuorsteidze.

Cylvākim īceris, plani, sapyni vajadzeigi. Ja, nav tuo gareiguo dzeive apsastuoj.

Veļ vagonā bez čupys ļaužu beja korsts, sveistūšys mīsys smoka i laikam maņ par veiksmi vagonā divi rauduleigi i pašpetni bārni. Vīns munā kupejā. Es saprostu, ka var bļaut jau ap kaidu Aizkraukli, Pļaveņom.. bet nu.. ir,kai ir

Veļ ar vīnu armejnīku pi atejis(gaideidami sovu ryndu i numeri) nūrunuom, ka tam bārnam drusku tryukst audzynuošonys,  jo nav labi i pīļaujami, ka tu māmai met ar kū zam rūkys a, mama soka -„Oj ty umņica, Xočeš poigracj?!”. Tys nikas, ka tys vyss (daž dakšys. „Ņerž.”) liduo viersā pretim gulūšajam zānam. Lobs mīgs.

Nu veļ kas deļkam ībraucem ar nūvāluošanūs  beja tys – ka stuojomēs 3x, lai atbreivuotu slīdis nu iz tuom sakrytušajīm kūkim. Aizrakstieju sms GuntiX ar munu kūpejū situaceju tys atrakstē eisi i kudūleigi – „Dreiži laikom Postaruo dīna kluotu”.

Maņ pateik vērtīs kai 15.augustā var maniet, ka pasaulē laimis nav i vysu var nūpierkt

Kū tī runuot… Viņ tū, ka pag. god vārdamīs iz vysvysaidim breinumim, i kai babys kaunās tīpat zam krystu par lobuoku vītu redzeit tū pošu Pujatu, jutūs toč kai puosokā.

Ā, i veļ vīnai babai lyku nūtrisinēt, kod as ar vysu izspyurušū buordu i pirātu lakateņu golvā vīnai puordeviejai prasieju – Verūs, vyss pi jiusu ir! A, napascēsit, kur trotilu nūpierkt? –

Par tū vysu atminī nuok ataust vīns gadīņs.

Nazkod Aglyunys tūrisma centrā struoduo vīns draugs. Mes tod jam prosam :

–          Kaida atškireiba nu Aglyunis 15.augusta svātkim i nu parostys dīnys?

–          Nu ir…. iz 15.augustu spīdīni Sv. Volūta iudiņa trubuos pataisūt leluoku.

Dreiži studentim jauns cielīns i jauni apvuoršni! Ave, lai veicās i Waršvys vuovere 4 – nagatove.