Atskots iz  reklamys agenturys “MagicFIB” radūšuo direktora vadeitū lekceju par reklamu i muzykys menedžmentu

12. oktobrī Reigys Tehniskuos universitatis telpuos nūtyka lekcejis – pīredzis stuostu daleišonys pyrmais raunds zam nūsaukuma “Muzykali izaicynuojumi nu Sovvaļnīka leidz Lady Gaga”. Aivars Līpenītis, “MagicFIB” radūšais direktors, fanu reisa organizators, muzykys projekta “Sovvaļnīks” producents i receptes.lv vadeituojs, pastuostieja par pamatnūstuodnem radūšajā biznesā.

Aivars Līpenītis īskicieja sovys karjerys aizsuokšonūs, izgleiteibys nūzeimi tymā i īpazeistynuoja ar menedžmenta golvanajim styurakminim i zalta lykumim. Lekceju organizieja bīdreiba “Latgolys Studentu centrs” ar mierki paruodeit latgalīšu pādys radūšajā sferā, i ar jūs pīredzi boguotynuot interesentu zynuošonys par konkretajom jūmom.

Lekcejis laikā atsklauoja zynomys lītys jaunā gaismā, kai ari tyka atguodynuots par pīmierstom lītom, cyts izzynuoja otkon pavysam koč kū jaunu. Tyka izsaceits ari kompliments lekcejis klauseituojim, deļ tuo kai itaidu pasuocīņu apmekleišona, diskusejis i sarunys pi čaja kruškys veidoj plašuoku paziņu lūku, kas ir cīši svareigs reklamā i menedžmentā. Aivars lobpruot atbiļdieja iz vaicuojumim, kas beja dažaidi – vyspuoreigi i cīši precizi – uzjāmuma tāls, logo izveide i tuo nūzeime organizacejai, pacuocīņu idejis suokumi i cyti vaicuojumi.

Beidzūtīs lekcejis-pīredzis stuosta oficialaijai daļai, sekuoja turpynuojums naoficialā gaisūtnē, molkojūt čaju. Tod ari raisejuos interesantuokuos sarunys par nūzaris naradzamajim “zamiudiņa akminim”, krīzis ītekmi iz itū sferu i nabeidzamū tāla veiduošonu.

Vokora nūbeigumā īgiviejs beja sevkurs apmaklātuojs – tyka nūstyprynuotys jau asūšuos zynuošonys, tuos atsvaidzynuotys ar jaunumim nūzarē, īgiutys jaunys pazinis i jau nūrunuotys sadarbeibys īspiejis.

Inese Krivmane

Lekcejis apmaklātuoja, reklamys i sabīdriskūs attīceibu studente

“Latgolys Studentu centrs” soka miļzeigu PAĻDIS Aivaram par atsauceibu i interesantū lekceju!