Sadarbeibā ar Latvejis Nacionalū teatri Latgolys Studentu centrs pīduovuoja  Tev īspieju īt apsavērt (ka vēļ naesi paspiejs) izruodi “Latgola.LV” jau decembrī. Vīneigais, kas beja juopadora – pareizi juoatbiļd iz vaicuojumim i juobyut vīnam nu četrim veiksmeigajim!

Lels paļdis vysim, kas īsyutieja sovys atbiļdis! Prīca, ka tik daudzi gribieja paraudzēt sovu veiksmi! Uzvarātuojus izlūzis kuorteibā paleidzēja nūsaceit “Latgalīša pādi pasaulī” stuosteituoji i klauseituoji.

Taitod paziņojom, ka īlyugumus iz izruodi sajam:

Aija Eriņa

Dzintra Slišāne

Kristīne Brūvere

Kristīne Makovska

Par īlyugumu sajimšonu sasazynuosim ar kotru uzvarātuoju personeigi ituos nedelis laikā!

Bet par vaicuojumim i pareizajom atbiļdem (na vysim tys beja pa spākam):

1. Kaidā Latgolā eistyn tradiconalā pasuocīnī izruodis aktīri pīsadaleja sovā ekspedicejā Baļtinovā?

Pareizuo atbiļde: cyuku bērēs (kai ari tyka īskaiteitys vēļ cytys sauktuos “atrakcejis” -šmakovkys dzeršona, maizis cepšona i cytys)

2. Cik daļuos jau ir īstudāts izruodis “Latgola.lv” originals “Ontans i Anne”?

Pareizuo atbiļde: 7 (Ontans i vampiri; Kuozu goda jubileja; Ontons izaklaidej; Ontona tragedija; Ontons i plāšnīki; Ontans i Zīmassvātki; Ontans i rodne)

3. Kū latviski nūzeimoj latgaliskais palāda?

Pareizuo atbiļde: pūce

Kab puorejī cīši naskumtu, pačukstom, ka 17. decembrī pyrmū i pagaidom vīneigū reizi Reigā byus īspieja redzēt izruodis “Ontans i Anne” originalīstudiejumu, kū ruodeis Baļtinovys dramatiskais teatris “Palādas”. Sekojit leidza informacejai!

Bīdreiba “Latgolys Studentu centrs” soka lelu PAĻDIS Latvejis Nacionalajam teatrim par sadarbeibu!