Sastdinē, 27.novembrī Rēzeknē nūtyka Latgolys školuotuoju konference. Oficialuo informaceja ite. Pasuokuma dalinīku vydā sūpluok školuotuojim beja ari žurnalisti, zynuotnīki, politiki, īriedni, studenti (nu tim 6 LgSC bīdri) i cyti interesenti. Ir aizdūmys, ka naškoluotuoju moš beja i vairuok…

Dreizumā juopasaruoda oficialam dokumentam – rezolucejai, kurā apvīnuoti dažaidys praseibys i īteikumi vaļdeibai.

Bet ite dažys dūmu pērlis.  Koč – da kaidys tī pērlis? Kuorteigi dūmu gryudi:

• Latgolofobeja – rakstureiga LV kulturvidē (Anna Vulāne)
• Dzeivi maitoj sovim bārnim tī vacuoki, kuri narunoj ar sovim bārnim latgaliski (Anna Vulāne)
• Ka Latgolā papieteitu, izaruodeitu, ka fraņču volūdys raksteibys pratieju byutum vairuok kai latgalīšu rokstu volūdys ( Valentins Lukaševičs)
• Kaids varātum pīraksteit gruomotu/blogu “Kai es vuicejūs latgaliski raksteit” (Valentins Lukaševičs)
• Latvīši (puornūvodnīki) uzskota, ka latgalīši ir nu Boltkrīvejis leidz Reigai nadaguojušī boltkrīvi. (Arnis Slobožaņins, bet vyspuor itei uzastuošona beja tik interesna (i smīkleiga), ka daudz loba ir palics uorpus pīrokstim)
• Vajag panuokt, ka latgalīšus uztver par normalim navys trokim (Ilga Šuplinska)
• Sīvīte ir tyvuok Dīvam – tū aplīcynoj ari situaceja zālē (Ilga Šuplinska)
• Latgaliskuma tukšums školuos niule gondreiž taids pats kai padūmju laikūs (Imants Slišāns)
• Volūda strauji izmierst myusu acu prīškā (Imants Slišāns)
• Nav problemu – tī kopusvātkūs vēļ runoj latgaliski (uzskota puornūvodnīki, kurim nazkod saguojs īsamaļdēt Latgolā) (Imants Slišāns)
• Pi školom ir vaļsts karūgs, zaļais karūgs – ka ekologiski draudzeiga škola. Vajag īvīst lagaliskuos vidis karūgu (Anita Žogota)
• Pensionari var atīt ari iz bārnu pasuokumu – bārns naīs iz pensionaru pasuokumu (Andris Slišāns)
• “Latgolys Studentu centrs” ir guņsdziesieji (Ilze Sperga)
• Latgalīšu luga izgluob teātri (Latvejis Nacionalū) nu lelom finansialom gryuteibom (Jureits)
• Nav normali, ka mes kotrys stuostam sovu “uorkuortys” gadejumu, kai nūnuocem pi latgaliskuo (Jureits)
• Arnis: vajadzātu vysmoz vīnu “Dinamo” sezonys spēli komentēt latgaliski!  Rugāte: nui, nui, Kreipāns breineigai runoj latgaliski. Jis pi manis vuicejuos pareizuos latvīšu intonacejis, bet breineigai runoj latgaliski.
  

P.S. Diktafons leidza nabeja – kai tyka pīfiksāts iz papeira, tai puorraksteits ite.