Latgalīšu puorstuovi TV i radejis padūmē
Nacionaluo elektroniskūs plašsazinis leidzekļu padūme (NEPLP) novembra beiguos aicynova navaļstiskuos organizacejis izvirzeit sovus puorstuovus dorbam Sabīdriskajā konsultativajā padūmē. Tuos golvonais dorbs ir nūdrūšynuot sabīdreibys leidzdaleibu sabīdriskuo pasyutejuma i nūzares atteisteibys strategejis izstruoduošonys procesā.
Padūmē kūpā struoduos 41 dalinīks. Tūs vydā ari Juoņs Mednis (Latvejis regionalūs i mozuok lītuotūs volūdu savīneiba), Daiņs Mjartāns (bīdreiba “Latgales tradicionālās kultūras centrs “Latgaļu sāta”), Mārtiņš Boiko (Latvejis Komponistu savīneiba) i citi. Vairuok: delfi.lv
Leidz 3.janvaram asūt paradzāts papyldynuot Sabīdriskuo konsultativuos padūmes sastuovu ar pīcim regionu puorstuovim – taitod vajadzātu byut vēļ vīnam nu Latgolys. Pyrmū padūmes sēdi planavuots sasaukt 7.janvarī. Ar Padūmes nūlykumu var īsapazeit interneta lopā (www.neplpadome.lv).
Lai gon konsultativuos padūmes lāmumim byus īsacejuma raksturs, tuos redzīņs mediju atteisteibys vaicuojumūs byušūt nūzeimeigs NEPLP darbā. Ceram sagaideit atbolstu latgalīšu volūdys pasaruodeišonai nacionalajūs televizejis i radejis kanalūs.
Komentari