Turisma rallejs ar atpyutu bez skrīšonys.

Pošā vosorys vydā – 30. julī. Portāls www.atputasbazes.lv aicynoj pīsadaleit turisma rallejī: itū reizi tys byus „Pīdzeivuojums Latgolā”.  Byušūt vareiba apsavērt vairuokus Latvejis šmukuokūs azaru zemis nūvodus.  Īpazeit: Leivuonus, Daugpili, Kruoslovu, Aglyuni, Preiļus, Rēzni, Ludzu i vēļ cytys Latgolys tūrisma, dobys, i kulturviesturiskuos vītys.

Ituo turisma ralleja golvonuo nūzeime nabyus uotrumam/mudrumam, a īspiejai atsapyust draugi i saimis rinčī. Kai ari īspieja uzzynuot koč kū jaunu, paryudeit pruotu atjauteibā i ospruoteibā i puorbaudeit sovys spiejis vysaiduos tūristim nūdereiguos nūdarbēs. Latgolys vosora ir tuo vārta, lai izbaudeitu tū eistyn nu sirds.

Starts turisma rallejam byus iz Latgolys gankom – Jākubpilī, atjaunuotajā Vacpiļsātys laukumā. Nūslāguma pasuocīņs planavuots pi Pušys azara, gostu sātā „Leiči”, kur vyss tiks veļteits jiusu prīkam i atpyutai ar latgalīšu dzīsmem, dzygom, zivu supa iešonu, atraktivom izklaidem i vēļ vysa kū cytu.

Īpazeistūt Latgolu, atmynūt marštura legendys, izpyldūt kontrolpunktu aizdavumus (itūreiz tī byus eistyn latgaliski, ospruoteigi i aizraujūši), variesit kruot punktus i kliut par turisma ralleja uzvarātuoju. Skaidra līta, byus ari vairuokys eipašuos nominacejis i cīš interesantys bolvys. Itūreiz byus daļinīki ari nu Igaunejis, Lītovys, Krīvejis i Botkrīvejis.

Sasateikom 30.julī Latgolā!