Pasuokums atcalts deļ moza pīsasacejušū školu skaita. Pardzams sareikuot pasuokumu septembrī.

2006. goda majā nūtyka pyrmuo jaunīšu „Večerinka Baļtinovā” , kurā pīsadalēja Baļtinovys, Ruguoju, Rekovys, Nautrānu i Tiļžys v-školu jaunīši, 2007. goda decembrī ūtrajā „Večerinkā Baļtinovā” pīsadalēja Baļtinova, Tiļža, Ruguoji i Dagda. Aicynojam iz trešū latgalīšu jaunīšu večerinku „Vasali Baļtinovā” !

Mierkis i uzdavumi:

–          Ceļt jaunīšu latgaliskū pošapziņu;

–          Školu jaunuotnis vydā popularizēt latgalīšu volūdu;

–          Veicynuot tyvuokū vydsškolu jaunīšu sadarbeibu latgaliskuos aktivitatēs.

Organizatori:

–          Baļtinovys vydsškolys interešu izgleiteibys puļceņš „Latgola: zeme, tauta, volūda”;

–          Baļtinovys vydsškolys administraceja.

Nūrise:

Laiks: 2011. goda 14. majā, sastdīn, suokums plkst. 18.00.

Vīta: Baļtinovys kulturys noms, Kuorsovys īlā 16, Baļtinovā, Baļtinovys nūvodā.

Daleibnīki:

Iz pasuokumu aicynuoti:

9.-12. klašu jaunīši nu tyvuokuos apleicīnis školom i nu školom, kurys gods nu goda pīsadola regionalajā latgalīšu volūdys i kulturviesturis olimpiādē,- Baļtinovys, Tiļžys, Rekovys, Ruguoju, Bierzpiļs, Kuorsovys, Nautrānu, Dagdys vydsškolys, Viļakys Vaļsts gimnazejis i Brīžucīma pamatškolys.

Nu kotrys uzaicynuotuos školys konkursūs pīsadola komanda- 4-7 jaunīši (skaits nav cik svareigs), leidza brauc atbiļdeigais školuotuojs. Kuplā pulkā aicynuoti ari leidzjutieji. .

Vokora gaita:

–          Īpasazeišona: kotrys školys/komandys vizitkarte (leidz 3 min.)

–          Vysaida veida konkursi par Latgolu i latgalīšim (erudiceja + atjauteiba + šovs)

–          Danči- večerinka turpynojuos.

(Leidza jemit sovus „grūzeņus”, ar kū pošim cīnuotīs vokora gaitā)

Pasuokumā pīsadola gūda gosti- bruoļi Guntis i Kristaps Rasimi (grupa „ Bez PVN” ), Jurs Viļums (bīdreibys „ Latgolys Saeima”  vaļdis prīkšsādātuojs), Ilga Šuplinska (Riezeknis Augstškola) i.c.

Vysys aktivitatis latgaliski !

Par daleibu pasuokumā dūdit ziņu leidz 12. majam Imantam Slišānam pa telefonu: 64521322, 26522144  voi pa e-postu: baltinova@inbox.lv

Interešu izgleiteibys puļceņa „Latgola- zeme, tauta, volūda”  dorba grupa.

Kū vaira izzynuot par pasuokumu var,  zvonūt

Imantam Slišānam: 26522144, 64521322.