17. jūnī Arendolis [Randaukys] muižā bīdreiba „Es Latgalei” reikoj informativu seminaru „NVO i vaļsts instituceju sadarbeiba kuļturys montojuma saglobuošonys jūmā”. Seminara mierkis – informēt sabīdreibu, kas darbojās kulturys montojuma aizsardzeibys jūmā, par sadarbeibys īspiejom ar publiskū puorvaldi, veicinoit savstarpejū sadarbeibu, īpazeistynoit ar finansejuma pīsaisteišonys īspiejom, uzzynoit par Lelbritanejis organizaceju pīredzi kulturys montojuma sagloboišonys i attīsteibys jūmā.

Seminarā runois puorstuovji nu LR Kulturys Ministrejis Sabīdreibys integracejis i piļsūniskuos sabīdreibys attīsteibys nūdaļis, VKPAI Kulturys montojuma politikys daļis, Latgolys plānoišonys reģiona ES strukturfondu informacejis centra, kai i  lektors nu Lelbritanejis leloikuos kulturys montojuma organizacejis The National Trust ,un bīdreiba „Es Latgalei”, kas stuostēs par Lelbritanejis pīredzi kuļturys montojuma sagloboišonys i attīsteibys jūmā.

Aicinojam NVO pīsateiktīs seminaram leidz 13.juņam, rokstūt uz e-pastu eslatgalei@gmail.com

Vairoik informaceju par seminara programmu varot uzzynoit www.eslatgalei.wordpress.com i zvonūt pa telefonu 26446757 voi 29421413. Vītu skaits seminarā īrūbežoits.

Bīdreiba „Es Latgalei” seminaru organizej ESF projekta „Bīdreibys „Es Latgalei” i cytu NVO kapacitātis i leidzdaleibys resursu styprynoišona” ītvorūs. 93% nu Projekta finansej Eiropys Savīneiba ar Eiropys Sociāluo fonda starpnīceibu. Apakšaktivitāti administrej Valsts kanceleja sadarbeibā ar Sabīdreibys integracejis fondu.