„Aiz azara bolti bārzi” – tai sauc latgalīšu rokmuziķa Sovvaļnīka muzykys video taida pot nūsaukuma dzīsmei, kas topus izmontojūt latgalīšu tautysdzīšmu motīvu. Sovvaļnīks video klipā stuosta par bārsim – ari pavysam jauniem – taisa krystus, kū pavoda gori.

Īprīškejā muzykys video “Pa skurstini bolti dyumi” Sovvaļnīks gasteja senuos i pamastuos sātuos – socialuos realitatis skaudrumos līceibys – Latgolys laukūs. Sovvaļnīks reizē īsajiut sevs i zyudūšū vierteibu maklātuoja, gon rāga lūmā, aicynojūt naaizmierst i sorguot dzymtū pusi i senču montuojumu. Jaunais muzykys video “Aiz azara bolti bārzi” paruoda cylvāka cītsirdeigū attīksmi i nažieleibu pret dzeivū, ari atbiļdeibys sajiutys tryukumu. Sovvaļnīks nu jaunim i zaļojūšim bārsim taisa simboliskus krystus, paruodūt dzeiveibys trauslumu i dzeivuo nūlemteibu nuovei. Sevkurs krysts ir kaidys izdzisušys dzeiveibys aplīcynuojums.

“Kari, kas suocuos ar streidim, nagūdeigumu, puoruok lelu varu i naidu, vysod atnas krytušūs. Tī na ratai ir navaineigi cylvāki, ari bārni, kas guļ meilajā zemē. Ar itū dzīsmi grybu atdūt gūdu krytušajim i pasceit, cik nataisni bīži nūteik. Voi kūks auga deļ tuo, kab tū nūcierstu, voi cylvāks dzyma, kab miertu ar jū nasaistātu ļaunu darbeibu deļ?” Sovvaļnīks aicynoj itymā Veļu laikā atsasaceit nu slyktom dūmom i dorbim, padūmuot par uperim, kū tī var radeit.

“Aiz azara bolti bārzi” īdzīduojs Sovvaļnīks sovā debejis albumā, izmontojūt Valentina Lukaševiča dzeju, kas sovukuort par īdvasmys olūtu izmantuojs latgalīšu tautysdzīsmi ar taidu pot nūsaukumu. Muzykys video operators i montažys taiseituojs – Māris Justs.