“Cylvāka bārna” svātki Preiļūs izskanejuši
Eisi pyrma trešuos Adventa svātdīnes, Preiļu Kulturys nomā nūtyka Juoņa Streiča kinys “Cylvāka bārns” 20. godadīnys koncertuzvadums. Pasuocīņa pamota koncepceja – ar Boņuka acim izdzeivuot i izjust vīna goda ritejumu latgalīšu cylvāka dzeivē – akcentejūs saimi, zemi, mīlesteibu i dorbu.
Lels paļdis juosoka vysim pasuocīņa atbaļsteituojim, taiseituojim i apmaklātuojim, nu eipašs paļdis muokslenīkim – Martai Vaivodei, Lāsmai Mukānei, Aijai Jermolovičai, Daiņam Skuteļam, deju kūpai “Dancari”, folklorys kūpai “Rūtoj”, grupai “Borowa MC”, koncertmeistarei Inesei Orinskai i muzykys pasnīdzejai Daigai Koļesņičenko.
Patīsa prīca par pasuocīņa eipašajim gostim – Boņuka (Andreju Rudzinski) i Zuzi (Inesi Laizāni), kuri atsagrīze 20 godu seņuok i dalejuos sovuos atmiņuos par kinys izjimšonys laiku, kinys pamota atziņom i spylgtuokom šaļtim. Kinys režisors Juoņs Streičs pasuocīnī navareja pīsadaleit, nu aizkustynūšus i meilus sveicīņus syuteja ar video rullleiša paleidzeibu.
Kūpeigi mes apsazynom sovu mīlesteibu iz Dorbu, Dīvu i Dobu, kas ari ir latgalīšu i latvīšu dzeivis pamots.
Līva Liepniece
Kartenis nu pasuocīņa organizātuoju arhiva
