Ūtrais pasauļa karš myusu viesturē ir īness virkni sāru dīnu – vīna nu tom ir 1942. goda Audreņu nūtykumu piminēšona.
1942. goda 2. janvars daudzu audrenīšu dzeivē ir likteneigs, šymā datumā tika izdzāstys cīma īdzeivuotuoju leluokuos dalis dzeiveibys i pots cīms tika nūslauceits nu zemis viersys. Nacistiskuos Vuocejis okupacejis vara veice Audreņu cīma īdzeivuotuoju izneicynuošonu par sorkonarmīšu sliepšonu 1941. goda nugalē – 1942. goda suokumā. Leluokū daļu īdzeivuotuoju nūšuove 2. janvarī Ančupānu kopūs, sovukuort 30 cīma veirīši tyka nūšauti 4. janvarī Rēzeknis tierga laukumā. Nūšaušona beja publiska i kaida rēzeknīša atmiņuos nūtykums ir sasaglobuojs sekojūši: „Atcerūs, janvara mienesī pi Rēzeknis tierga laukuma pretim cītuma sīnai nušuove vaira kai 30 audrinīku. I mes gimnazisti nusaklausejam, kū saceja komisars, vysu dzierdējam. Jūs izvede uorā, aizsēja jim acs cīt i nustuodeja, rūkys jim beja sasītys. Navarējam nūsavērtīs, kai šaun. Tod mes pamukom prūm, mukom pa īlom iz leju, iz tylta pusi, iz upis pusi. Tik dzierdējam, kai šaun. I, kod atguojam atpakaļ piec kaidys stuņdis, vysi beja savuokti, vaira nikuo nabeja”.
Pīminūt traģiskuo nūtykuma 30. goda dīnu 1972. godā tika atkluots tielnīcis A. Veinbahys veiduotais pīmineklis, pi kura kas gods teik reikuoti pīminis pasuocīni.
.
Ari itūgod 4. janvarī Rezeknis pusē nūtyks itū nūtykumu atcere, pīminis pasuocīņus organizej Rezeknis nūvoda pošvaļdeiba sadarbeibā ar Audreņu pogosta puorvaļdi.

10:00-10:50 Izstuodis „Nivīns nav aizmiersts, nikas nav aizmiersts” i atkluotuos viesturis vuiceibu stuņdis apmekliešona Audreņu Kulturys nomā.

11:00-11:40 Zīdu nūlikšona pi pīminekļa Audreņu tragedejis uperim – Audreņu pogostā, Rēzeknis – Gulbenis autoceļa molā.

12:00-12:30 Zīdu nūlikšona Ančupānu memorialā, Ančupānu kolnūs Vērēmu pogostā.

13:00-13:30 Zīdu nūlikšona pīminis vītā, kur nūšauti Audreņu sādžys īdzeivuotuoji Rēzeknē (pi pīminis plāksnis sūpluok centraltiergam) – Līpuojis īlā 16, Rēzeknē.

14:00-14:30 Izstuožu „Audreņu tragedeju pīminūt” i „Čehejis i Latvejis attīceibys 1921-2011” atkluošona Latgolys Kulturviesturis muzejā Rēzeknē, Atbreivuošonys alejā 102.

.

Karteņa – olūts: Rēzeknis nūvoda pošvaļdeibys portals