29. decembrī Upeitis Tautys noms aicynuoja iz tradicionalū Vacgoda karnevalu. Itymā reizē atguojušūs puorsteidze 39 daižaidys interesantys i atraktivys maskys, kas beja saguojušs i sabraukušs na viņ nu Škilbanu pogosta i Vileks nūvoda, bet ari nu sābru nūvodim.

Beja īsarodušs gon dažaidi dzeivinīki, tūs vydā ari 2012. goda pūčs, gon fejis i rūki, leigovys i precinīki, laupeituoji i banditi, gon puosoku tāli, ari izdūmuoti i naradzāti tāli.

Karnevala apmaklātuojus i maskys puorsteidze Upeitis Tautys noma ritmikys puļceņa bārni, nūdoncojūt vysim par prīcu eistynu kabare deju.

Žurejai gon beja gryuši izaškiert, kū pasludynuot par 2011. goda lobuokū masku Upeitis karnevalā. Žurejai, kurā beja Latgolys radejis DJ Teņs, grupys „Patrioti.LG” muziki Jurs Ostrovskis i Arturs Uškāns, Upeitis kulturviesturis muzeja i bibliotekys vadeituoja Ligita Spridzāne i bīdreibys „Upeitis jaunīšu folklorys kūpa” jaunīšu lītu specialists Ermīns Dzērve, piec ilgys apsprīdis daguoja secynuot, ka itymā karnevalā ir četrys pyrmuos vītys. Tuos īgiva: 2011. goda afišu stobs, Mikimauss, Kīnīšu panda i Flinstons.

Prīca par tik skaistom i atraktivom maskom, bet niu otkon jauns gods prīškā – jaunys idejis i jauns karnevals. Laimeigu Jaunū godu!

Andris Slišāns, Upeitis Tautys noma vadeituojs