Latgolys fotografu bīdreiba gatavejās izdūt fotografeju gruomotu  par Latgolu i aicynoj Latgolys nūvodim reikuot foto konkursus „Nūvods fotografejuos” ar mierči īmyužynuot kotru nūvodu, ceļt gūdā Latgolu, paruodūt tuos mentalitatis privilegeju vysys Latvejis kontekstā.

Fotokonkurss nūteik dažaidūs Latgolys nūvodūs, dorbus var īsnīgt kotrā nūvodā. Novodūs dorbu īsnīgšonai ir atškireigi termeni – juosekoj leidza informacejai – zamuok saitis iz fotokonkursim Baļtinovā i Dagdā.  Īteicams īsnīgt digitalajā izpiļdejumā ar kvalitati vysmoz 300 dpi ci fotografejuos (vālamais izmārs A4).

Īsyuteitī dorbi tiks vārtāti i piec stingrys atlasis īvītuoti gruomotā par Latgolu, kurā byus apsaverams vyss nūvods, tuo cylvāki i Latgolys skaistuokuos vītys.

Pi īsnīgšonys fotografeju atšifrejumā obligati juobyut dorba nūsaukumam, autora vuordam, pavuordei, vītai, kur foto uzjimts (nūvods), autora telepona numeram i e-posta adresei (ka ir).

Ar kotru autoru tiks nūslāgts leigums. Dalinīku skaits, vacums, kai ari fotografeju skaits nav īrūbežuots.

Tāņ kai reizi – jimit sovus aparatus i eimit Latgolys zīmā!

Konkursa nūsacejumi Baļtinovys nūvodā
Konkursa nūsacejumi Dagdys nūvodā 

Karteņa: foto Ilze Sperga, Viļānu nūvoda Mukulēs 2009. godā