Bruoli Atis i Juoņs Auzāni 2012. godā turpynoj aizsuoktū koncertprogramu „Rūkysspīdīņa atstotumā” („Rokasspiediena attālumā”). Janvara beiguos ar koncertim gasteha Rēzeknē i Preiļūs, nu marta beiguos byus dzieržami Dagdā i Kruoslovā.
.
Vyslatvejis koncertturneju bruoli Auzāni aizsuoka 27. oktobrī ar koncertu Leivuonu kulturys nomā.
.
Auzāni ar koncertprogramu gryb skateituojus emocionali aizvest paceli nu kasdīnys steigys, likt īsavērt pošim sevī i attaiseit durobys tam lobajam, kas dzeivoj kotrā nu cylvākim. Koncerta muzykalais pavadejums tiks izpiļdeits pīklusynuotā tūņkuortā ar akustiskajom gitarom i kontrabasu, kas radeis natipisku skaniejumu i emocionalu tyveibu.
.
Koncertūs vādzeigū nūskaņu taiseis gon mīlesteibys baladis, gon ari korstasineiga temperamenta pīsuotynuotys dzīsmis.
.
Koncertprogramā skateituojus puorsteigs obeju bruoļu divbolseigais dzīduojums, kuram pīsavīnuos bekvokalistis Anita Levša i Olga Stupiņa, kai ari spieceigs pavadūšūs muziķu sastuovs, kurā pīsadaleis akustiskūs gitaru spālātuoji Ēriks Upenieks i Aleksandrs Rjapčuks, kontrabasists Viktors Veļičko i sitaminstrumentalists Nauris Bartuševičs.
.
Koncertprogramā īkļautys gon tautā īmeiļuotys melodejis Ata Auzāna aranžejumā («Lūgums», «Zibsnī zvaigznes», «Ripo ratiņ», «Manai tautai»), pazeistami pasauļa hiti («Hallelujah», «Sway», «Phantom of the Opera»), gon ari vairuokys eipaši itam koncertam radeitys dzīsmis.
.
Koncerti:
28.01. 17:00 Preiļūs
29.01. 15:00 Rēzeknē

31.03. 13:00 Dagda

31.03. 19:00 Kruoslova
01.04. 15:00 Varakļuoni

.
.
Bruoli Auzāni, Oranžuo kūra meitinis – Cauri pilsētai

.

.
Bruoli Auzāni – Tuoli dzeivoj

.