Andris Viejāns

Sovaids laiks

Taids sovaids laiks
storp Zīmyssvātkim un Aizgavieni,
Storp Adventi,
kurā klusums zīd
Un snīdzeņš nu dabasim kreit
tik lieni, lieni,
Bet kuozu prīks
pasauli apjam un dzīd.
Taids sovaids laiks
storp Zīmyssvātkim un Aizgavieni,
Kod gribīs kai putiņam
doncuot un smīt.

Tu — breineigs laiks
storp Zīmyssvātkim un Aizgavieni,
Kod sauleite atspiergst
un otkon kai irbeite tak…
Kur tik daudz dzejnīkim
šyupeļus jiemi,
Tu — breineigs laiks
storp Zīmyssvātkim un Aizgavieni?
Pat snīgavečam acīs
ūgles kai lukturi dag.
Tu — mīlesteibas laiks
storp Zīmyssvātkim un Aizgavieni,
Kod mienesnīkam
Storp zvaigznem nanuok mīgs.
Kaidu Kaļvarejas kolnu
vēļ esi mums liemis
Tu — mīlesteibys un suopu laiks
storp Zīmyssvātkim un Aizgavieni?

.

Kartenis: Viļānu nūvoda Mukuļu dzeraune 2009. goda zīmā.

Autore: Ilze Sperga