Fotoizstuode “Ir zeme i dzeive iz tuos”
8. februarī 12 stuņdēs Latgolys Centralajā bibliotekā (Reigys īlā 22A, Daugpilī) tiks atkluota fotografa Česlava Mazuļa karteņu izstuode „Ir zeme i dzeive iz tuos” (Ir zeme un dzīve uz tās).
Česlavs 1962. godā dzims Daugpilī, nu sovys dzeivis leluokū dali dzeivuojs Leivuonūs. Piec profesejis ir mediks. Koč ari fotografeišona autoram ir viņ kai breivuo laika aizaraušona, kas atteisteita jau nu bierneibys pošvuiceibys ceļā, pa druponai itei aizaraušona ījam arviņ nūzemeigu vītu juo dzeivē.
Autoru pīsaista dažaidi fotožanri – ainovys, makro fotografeja, portreti. Dorbu personalizstuodis ir bejušys vairuokuos Latvejis piļsātuos: Leivuonūs, Valmīrā, Jaunjelgavā. Daudzi reizis pīsadaliejs kolektivajuos izstuodēs. Daugpilī Česlava kartenis byus apsaveramys pyrmū reizi.
Izstuodē ir izliktys gondreiž 40 kartenis, kuruos ir paruodeita vīna nu fotografa meiluokom temom – doba, dobys paruodeibys, ainovys, zīdi i dažaidu kukaini. Dorbūs atsakluoj vyssmolkuokuos kotrys detalis ci objekta niansis, kurys daudzim ruodīs tik napamonomys i pot nazynomys.
Izstuode Latgolys Centralajā bibliotekā byus apsaverama nu 8. februara leidz 5. martam.
Informacejis olūts: Latgolys Centraluo biblioteka
Karteņā: Česlavs Mazulis – Vieja pīskuorīņs (Vēja pieskāriens)
