Kab veicynuotu Rēzeknis piļsātys i nūvoda jaunīšu vokalūs, instrumentalūs, deju grupu i individualūs izpiļdeituoju radūšū darbeibu, Rēzeknis piļsātys dūmis Izgleiteibys puorvaļde sadarbeibā ar Jaunīšu dūmi i Rēzeknis nūvoda pašvaļdeibys Izgleiteibys puorvaļdi reikoj jaunīšu muzykalū paradu „Manc akorc 2012”. Muzycejūši i doncojūši jaunīši aicynuoti dasasaceit daleiba pasuocīnī, kas nūtiks ituo goda 27. aprelī 16:00 Rēzeknis piļsātys kulturys nomā.

Dasacejuma anketa juoīsnādz leidz 20. apreļam Rēzeknis nūvoda pošvaļdeibys Izgleiteibys puorvaļdē (Atbreivuošonys alejā 95, 1. stuovā, 3. kabinetā ci pa e-postu guntis.rasims@saskarsme.lv).

Paradā var pīsadaleit Rēzeknis i Rēzeknis nūvoda jaunīši i grupys, kuru dalinīki ir vacumā nu 13 leidz 25 godu vacumam. Muzykalajā paradā „Mans akorc 2012” dalinīku prīšknasumus vērtēs žureja itaiduos nominacejuos”

„Vokora akords” – veiksmeiguokuo muzykys grupa, ansamblis, VIA, kas prīšknasumā izmontoj bungu komplektu, gitaru pastiprynūšys īkuortys i tml.

„Vokora akustiskais akords” – veiksmeiguokuo muzykys grupa, ansamblis, VIA, kas prīšknasumā naizmontoj fonogramys, elektroniskūs instrumentus i skonu pastiprynūšys īkuortys i tml.

„Vokora nota” – veiksmeiguokais solists, duets

„Vokora dasitīņs” – veiksmeiguokuo dziga

Kai ari skateituoji varēs izsaceit sovys dūmys par „Skateituoju simpateju”

Informaceja nu Rēzeknis nūvoda sātys lopys

Grupa DemY-eR – Mygla, mygla, rosa, rosa (Manc akorc 2008)

 .

.
Manc Akorc 2012 / Nūlykums i dasacejuma anketa