Leldīne Upeitē

Leldīne Upeitē

8. apreļa reitā Upeitis dzeraunē pi Upeitis pamatškolys ūzula breineigi tyka īšyupuota Leldīne.

Suokuos, cikom puiši kuore šuypēlis ūzula zorā, Upeitis jaunīšu folklorys kūpys mārgys pīskandynova apleicīni ar dažaidom Leldīnis dzīsmem. Kod šyupēlis beja izkuortys tymuos, kab vosorā naāstu ūdi, izašyupova gon leli, gon mozi.

Piec šyupuošonuos suocās sisšonuos ar ūlom i ūlu rypynuošona. Itymā godā vysu stypruokuo ūla beja Santai Matisānei. Piec tom sekova dažaidys veikleibys sacenseibys i atrakcejis, kai ari Leldīnis rūtalis. Naiztyka ari bez tradicionaluo Upeitis Leldīnis hokeja turnira.

Koč uorā beja dīzgon drāgns laiks iz pasuocīni kai jau īrosts īsaroda daudzi Leldīnis svieteituoju i cīši lels paļdis atguojušim!

 

Upeitis TN vadeituojs Andris Slišāns

 

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]