VAS „Latvejis Hipoteku i zemis banka” Klientu klubs „Mes poši” izsludynuojs projektu konkursus dažaidūs Latvejis nūvodūs, aicynojūt kotru – fiziskys i juridiskys personys, navalstiskuos organizacejis, pašvaļdeibu īstuodis i naformalys apvīneibys pīsadaleit dzeivis i vidis kvalitatis izlobuošonā, aktualu problemu rysynuošonā, sekmejūt sabīdryskuo lobuma vairuošonu. Projektu konkursa mierkis ir popularizēt socialuos atbiļdeibys ideju, sekmēt sabīdreibys izaugsmi, atbolstūt pošu īdzeivuotuoju iniciativys.

Projektu konkursā leidzekli teik  daškierti itaidom sferom:

– projektim, kas paradz izagleituošonu i apvuiceibys, kurūs rezultatā teik veicynuota pašnūdarbynuoteiba i profesionaluo orientaceja;

– projektim, kurī saisteiti ar konkretuos teritorejis (nūvoda, piļsātys, pogosta) tāla taiseišonu, patriotisku jiutu audzynuošonu īdzeivuotuojūs;

– projektim, kurī sekmej sabīdryskuo lobuma vairuošonu i veicynoj īdzeivuotuoju socialū atbiļdeibu (lobdareibu), nūdrūsynoj papyldu socialūs pokolpuojumus īdzeivuotuoju grupom;

– projektim, kurī vārsti iz kulturviesturiskuo montuojuma saglobuošonu;

– projektim, kurī saisteiti ar apleicīnis lobīkuortuošonu.

Bankys daškiertais finansiejums konkursa izvarātuojim vīna projekta realizacejai ir da 400,00 LVL.

Kruoslovys, Dagdys, Ilyukstis, Vuorkovys, Daugovpiļs nūvodim i Daugovpiļs piļsātai projektu dasacejumu īsnīgšona da 30. apreļa. Vaira dazynuošonai 

Krystapiļs, Leivuonu, Jiekabpiļs nūvodim i Jiekabpiļs piļsātai dasacejumu īsnīgšona da 31. maja. Vaira dazynuošonai

Nu 2009. goda, kod „Mes poši” aizsuoca sovu darbeibu, vysā Latvejā realizāti gondreiž 500 dažaidu projektu.