Itymā godā 20 godu jubileju svietej Aglyunys bazilikys Kūra škola, kas dybynuota 1992. godā, kab saglobuotu katuoļu Bazneicys latgaliskuos dzīduošonys tradicejis i atteisteitu kūra muzyku.

Kūra školys audziekni ir daudzu konkursu izvarātuoji, kūrs ir starptautiskūs kūru konkursu laureats. Bārnu skaneigūs bolsus klausejušīs kūra muzykys cīneituoji vysa Eiropā – Krīvejā, Pūlejā, Italejā, Lītovā, Ungarejā, Slovenejā i Horvatejā. Kas gods maja mienesī Aglyunts bazilikys kūra škola reikoj ari jaunūs vokalistu konkursu „Dzīžu Dīvmuotei” (Dziedu Dievmātei), kurymā pīsadola bārni nu vysys Latvejis.

Jubileja pasuocīņu laikā škola aicynoj iz daižaidom nūtikšonom:
22. aprelī 13:00 (piec Sv. Miša) – varganistu i kūklātuoju koncerts;
29. aprelī 13:00 (piec Sv. Miša) – vokaluos i klavīrmuzykys koncerts;
6. maja 13:00 (piec Sv. Miša) – kūra muzykys koncerts (pīsadola Aglyunys bazilikys Kūra školys 3.-8. klašu kūrs, Aglyunys bazilikys jauktais kūrs);
12. majā Aglyunys bazilikys Kūra školys 20 godu jubileja svineibu nūslāgums – 12:00 svineigais Sv. Mišs piec kura svātku turpynuojums Aglyunys bazilikys Boltajā zalā.