Mes – latgalīši –  nikod navarēsim sēdēt mīrā. Vysod vajaga meklēt kaidys avanturys ci pīdzeivojumu. Deļ tam ari Upmolys teatra draugu kūpa izlieme papruovēt sovus spākus jaunā leiminī i pīsadaleit Eiropys Parlamenta Informacejis biroja reikuotajā Eiropys skeču konkursā „Es, mēs un ES”. Deļ kam gon nā? Nūdūmuojom, tai saceit, latgalīši jau tī poši latvīši viņ ir, tik ari kvaitatis zeimi.

Mes nūticiejom skaistai i ceregai reitdīnai, i tai ari saguoja! Cīši glauna žureja nūzaris specialistu sastuovā ir lāmuse, ka asam cīneigi pīsadaleit ituo konkursa finalā Reigā, kas byus 12.majā  Viermanis duorzā.

Tok vys tik sevkurs nu jiusu var myusim drupeit paleidzēt. Mes tak zinim, ka latgalīši par sovejim ceļās i kreit. Deļ tam Tev ir  īspieja paleidzēt myusim palikt par skateituoju simpateju. Ka ari tu prūti pasasamīt par myusu kasdīnu, cylvāku naivumu i nabeidzamim puorprotumim, tod īej http://www.europarl.lv/view/lv/teatru_konkurss.html i nūbolsoj par skeču NR.14 „Skaistā un cerīgā rītdiena”. Bolsuot var da 11. maja.

Ka ari 12.majā jius turēsit eikšus par latgalīšu temperamantu, nabeidzamu dzeivisprīcu i cylvāku vīnkuoršeibu, tod myusim vyss izadūs. Ticit lobajam i arī jiusim izauss skaista i cereiga reitdīna!

Upmolys teatra draugu kūpa

Kartenis nu teatra kūpys arhiva