15. junī Viļakys pog. Keišu sadžā eista svātdīna, jau nu poša agra reita puļcejas ļauds nu plašys apkuortnis. Vysi it kai iz breinumu, jo taidys saceikstis vysā apkuortnē vēļ nikod nabeja pīdzeivuotys. Daudzi īt cukra barviņus skateitīs vēļ tikai pyrmū reizi, jo nav redziejuši kaidi tī izaskota.

Piec komisejis snāgtim aizruodejumim korstā sacenseibā dūdās 26 ravātuojis vairuoku symtu skateituoju prīškā.

Pyrmū gūdolgu piec korstys ceinis izpeļneja S. Kazinovska ar 92 punktim, ūtras divas gūdolgys V. Koks i A. Sluckis.

Taida pat revēšonys – ratynuošonys saceikste nūtyka 17. junī Bieržgaļa pog. Pusloču sadžā, pīsadolūt 39 ravātuojim. I gūdolgu īgiva Eduards Škapars, II – Aļbuna Vulers, III – Pīters Kroičs, Aņa Opyncans i daži cyti.

Cukra barviņu ratynuošonys – revēšonys saceikstis nese cīši lelu svieteibu apkuortejim lauksaimnīkim, kuri mūcejuos, kai kūpt i apstruoduot sakņaugus.

Vaicuoki symti lauksaimnīku šūgod palykuši nūvāruotuoju lūmā, kas gaida ar napacīteibu rudiņa, kū dūs cukra batvini, cukra batvini sadeiguši labi, tagad spieceigi atsateista i sūla lobu ražu.

Apmaklātuojs

Olūts: Latgolas Vords. – Reiga, 1932. g. 22. junī. – Nr. 25. – 2. pl.