Bolvūs byus storptautysks dzigu festivals „Eima, eima!”
![Bolvūs byus storptautysks dzigu festivals „Eima, eima!”](https://www.lakuga.lv/wp-content/uploads/2012/06/eima_afisha.jpg)
30. junī Bolvu nūvods jau ūtrū reizi aicynoj iz Storptautyskū tautu dzigu festivalu „Eima, eima!”. Festivalā byus vareiba baudeit na viņ latvīšu, nu ari lītovīšu, igauņu i krīvu dzigu breineibu i spāku.
Festivala laikā nūtiks vairuoki koncerti dažaiduos Bolvu nūvoda vītuos, taipat 30. junī Bolvu piļsātys parkā byus amatnīku tierdzeņš.
Festivalā pīsadaleis 8 Bolvu nūvoda dzigu kolektivi, 8 dzigu kolektivi nu sābru nūvodim, kai ari gosti nu Olyuksna, Ludzys, Pilvys (Igauneja), Opskys (Krīveja), Zarasim (Lītova).
Festivala programa:
30. juņs
Amatnīku tierdzeņš Bolvu piļsātys parkā
15:30 Labdareibys koncerts Bolvu pansionatā. Pīsadola gostu kolektivi nu Igaunejis, Lītovys i Olyuksna.
16:30 Sasadoncuošona Bolvu nūvoda Bierzkaļnis pogosta estradē. Pīsadola gosti nu Krīvejis, Olyuksna, Ludzys, taipat Bolvu Kulturys i atpyutys centra senioru dzigu kūpa „Luste”. Olyuksna piļsātys Tautys noma dzigu kūpa „Jukums” izruodeis tematiskū originalizvadumu „Malienīši smolki ļauds!”.
19:00 Bolvu piļsātys parkā lelkoncerts „Doncuosim!”. Pīsadola vysi festivala dalinīki. Pyrma tam 18:30 svātku guojīņs nu Kulturys i atpyutys centra laukuma pa Breiveibys īlu.
Piec lelkoncerta parkā zaļumbals ar grupu „Rolise”.
1. juļs
15:00 Sasadoncuošona Bolvu nūvoda Bierzpiļs pogosta estradē. Pīsadola gosti nu Krīvejis i Bolvu nūvoda dzigu kolektivi.
16:00 Koncerts „Igauneja, Latveja, Lītova…myus vīnoj dziga!” Vileks estradē. Pīsadola Igaunejis, Lītovys i Vileks nūvoda kolektivi.
Vaira par festivalu skaiti ITE
Komentari