Pīcpadsmitū reizi skanēs „Dzīsme Bierzpilei”
![Pīcpadsmitū reizi skanēs „Dzīsme Bierzpilei”](https://www.lakuga.lv/wp-content/uploads/2012/07/DSC02156.jpg)
27. julī 20:00 Bolvu nūvoda Bierzpiļs estradē byus tradicionalais pasuokums „Dzīsme Bierzpilei” (Dziesma Bērzpilij).
„Dzīsme Bierzpilij” nūtiks jau 15. godu i kai īrosts byus nu diveju daļu: 1. dalis koncertā pīsadola kotrs dzīduotgrybātuojs – gon solisti, dueti, gon vokaluos grupys. Dasasaceit var da 25. juļa pi Annys Krivišys (pa telefonu 27872031). 2. daļā byus bals ar dažaidim muzykantim nu Bolvu, sābru i cytim Latgolys nūvodim. Spēlēs „Andris&Co” nu Ruguoju, Zintis Krakops nu Tilžys, pa pusei vītejī „Ginc&Es”, „Kontrasts” i „Otto” nu Bolvu, „Kivi” nu Varakļuonu.
Pa „Dzīsme Bierzpilei” pastuoviešonys laiku, tī ir pīsadalejušs ari latgalīšu grupys „Dabasu Durovys” i „Likteneigais pagrīzīņs iz Vainovu”.
Īejis bilets iz pasuokumu – 1,50 Ls.