Dānejis piļsātā Frederikssund nu 21. da 28. juļam jau divdesmytū reizi nūtyka Eiropys tautu festivals. Itymā godā festivalā pīsadaleja ari Rēzeknis puorstuovi, kas festivalā give lobys atzineibys.

Piļsātu puorstuovēja delegaceja 45 cylvāku sastuovā, tūs vydā beja dzigu kūpys „Dziga” jaunīši i piļsātys sportisti. Sporta saceņseibys nūtyka rūkysbumbā, futbolā, volejbolā i pentakjū, kai ari beja dažaidys stafetis, kuruos sportisti ar „Dzigys” doncuotuoju paleigu, give lobus rezultatus (pīmāram, volejbolā 5. vītu, futbolā 6. vītu).

Festivala muokslys sadaļā sasacensšona nūtyka gleznuošonys, foto i koncertprogramu sadaļā. 16 vaļstu koncertrpogramu vydā „Dzigys” doncuotuoju izvadums īgive 1. vītu i kausu. Ungarejis delegacejis vadeituoja par „Dzigys” izvadumu saceja: „…mīlesteibys pīpiļdeits i prīcys pylns prīšknasums…”. Pasasokūt lobajam rezultatam, „Dziga” tyka izaicynuota pīsadaleit organizacejis International Council of Organizations of Folklore Festivals and Folk Arts 2013. goda augustā reikuotajā festivalā Ungarejā.

Kartenis nu „Dzigys” arhiva