Kuorsovys nūvoda svātku ramuos pyrmū reizi teik taiseita Kuorsovys nūvoda jaunīšu dīna, kas nūtiks ituo goda 24. augustā. Svātkus, kuru saucīņs ir „Naesi vīns- esi nūvodā!”, organizej poši jaunīši, tys irā, Kuorsovys nūvoda jaunīšu konsultativo padūme i bīdreiba „Kuorsovys nūvoda jaunīšu centrs „Pūga””.

Jaunīši ir pasaryupiejuši par spūdru i pīpiļdeitu jaunīšu dīnys programu. Pošus mozuokūs Kuorsovys nūvoda jaunīšus prīcynuos pīpyušamuos atrakcejis i bārnu piecpušdīnis „Izkruosoj Kuorsovu!” ramuos jim byus īspieja zeimēt iz asfalta i pīsadaleit kaituos, kai ari nūsavērt kaidu breineigu multfiļmu kinu vokorā. Jaunīši teik vadynuoti baudeit daili Vladimira Feklistova gleznu paruodis atkluošonā i īprīcynuot sevi ar muzykys skaņom akordeonistu koncertā. Kuorsovys nūvodā natryukst vareigu i atraktivu jaunīšu, par tū vysi teik vadynuoti pīsavīnuot jaunīšu guojīņam „Talantu parads”, kai arī sovu rodūšumu izpaust Pūgys karūga taiseišonā. Jaunīšu dīnys beiguos, kas nūtiks Mērdzinis estradā, apduovynuosim sevi ar koncertu, kimā golvonajuos lūmuos dorbuosīs poši jaunīši, i balu, kimā muzicēs grupa „Dabasu Durovys” i cytys Kuorsovys nūvoda jaunīšu muzykaluos apvīneibys.

Padareisim eipašu sev itū dīnu! Meili prosom pīsavīnuot Kuorsovys nūvoda jaunīšus i vysus, kas sirdīs jiutās jauni, nabyut vīnim- byut nūvodā i aktivi pīsadaleit jaunīšu dīnā i Kuorsovys nūvoda svātkūs kūpumā!

Paļdis par atspaidu Kuorsovys nūvoda pošvaļdeibai i SIA „Draugiem”!

Seikuoku informaceju par pasuokuma nūtikšonu vaicojit Kuorsovys nūvoda jaunīšu lopā portalā www.draugiem.lv/karsavasjauniesi

.