Pagarynuots LgSC rodūšūs dorbu konkurss „Tai beja – tai ir ”
![Pagarynuots LgSC rodūšūs dorbu konkurss „Tai beja – tai ir ”](https://www.lakuga.lv/wp-content/uploads/2012/05/LgSC-Drycani-06.jpg)
Bīdreiba „Latgolys Studentu centrs” projekta „Vuiceisimēs latgalīšu rokstu volūdu” laikā nu 1. juļa da 25. juļam izsludynuoja konkursu „Tai beja – tai ir” Latgolys školu školānim, kab sakmātu latgalīšu rokstu volūdys lītuošonu jaunīšu vydā i apzynuotu projekta apdareitūs rezultatus.
Konkursā teik aicynuoti pīsadaleit školu jaunīši (pamatškolāni i vydsškolāni) ar sovu prozu voi dzeju latgalīšu rokstu volūdā, sovā dorbā raugūt izmontuot latgalīšu autentiskūs vuordus i izteicīņus, kai ari pīsaturēt pi apstyprynuotajim latgalīšu pareizraksteibys nūsacejumim.
Sakarā ar tū, ka vosora ir pylna ar vysaidim darbenim i nadarbenim i cytu raizi naatlīk laika raksteišonai, rodūšūs dorbu konkurss teik pagarynuots. Sovus rodūšūs dorbus lyudzam syuteit mums iz e-posta adesi: lgsc-konkursam@inbox.lv da 28. septembram.
Roksti pats i pastuosti sovim školysbīdrim, bet par konkursa nūsacejumim skaiti ite: https://www.lakuga.lv/2012/07/02/tai-beja-tai-ir-rodusus-dorbu-konkurss-latgolys-skolu-skolanim/.