18. augustā Medņevys tautys noma pošdarbnīki i vadeituoja Skaidrīte Šaicāne tyvus i tuolus gostus aicynuoja iz Medņevys tautys noma svātkim, jo tyka atdareita tautys noma jaunuo pībyuve piec tautys noma rekonstrukecejis dorbim.

Medņevys tautys noma svineigajā ceremonejā lenti puorgrīze Vileks nūvoda dūmis prīšksādātuojs Sergejs Maksimovs, SIA „Rufs” vadeituojs Zinis Vībāns i Medņevys pogosta puorvaļdis vadeituojs Pīters Pravs.

Jaunuos pībyuvis i leluo zala telpys pasvieteja Vileks Jezus Sirds Ruomys katuoļu bazneicys bazneickungs OFMCap. Jezus Kornaševskis.

Iz svātkim atguojušūs ar sovom dzīsmem prīcieja vokalais ansamblis „Melodija”, Raivita Raginska, Viļs Cibuļs i Rūta Cibule, Medņevys etnografiskais ansamblis.

Medņevys tautys noma rekonstrukceja (ar pībyuvi) tyka padareita dažu mienešu laikā. Projekta realizaceju atbaļsteja Lauku atbolsta dīnasts i Vileks nūvoda pošvaļdeiba. Niu jaunajā tautys noma pībyuvē ir myusdīneigys atejis, nūmaineita greida. Projekta laika nūpierkta apskaņuošonys sistema, taipat tautys nomā sataiseita jauna siļdeišonys sistema i elektroinstalaceja.

Informaceja i kartenis nu Vileks nūvoda sātys lopys