Latgaliski breineigi var izapaust ari alternativajā kulturā. Itymā reizē drupeit par rēzeknīšu hip-hop kulturys apvīneibu “Ausmeņa Records”, kas 31. augustā 16:00 īlyudz iz hip-hop kulturys pasuokumu Rēzeknē, Raiņa parka skeitparkā.

„Ausmeņa Records” ir cylvāku apvīneiba – rēzeknīši, kas ir hip-hop kulturā  – reperi, breakdance doncuotuoji, grafiti muokslinīki, bītmeikeri, dizaineri ci kaidi cyti ļauds, kam ir kaida saisteiba ar itū kulturu i kuri rauga dareit sovu lītu kvalitativi i rodūši. Kai jī poši soka – tei ir sova kompaneja bez nūteikta sastuova.

„Ausmenis Records” ideja rodusīs ituo goda marta beiguos, apreļa suokumā. Apvīneibys darbeibys aktivitatem leidza var sekuot tviterī ci jūs YOUTUBE kanalā.

31. augustā 16:00 Rēzeknis Raiņa parka skeitparkā „Ausmeņa Rekords” reikoj hip-hop kulturys pasuokumu. Byus gon breivuo skotive doncuotuojim, gon repa prīšknasumi (Ausmeņa Records i gosti), sadoncuošonys rodūšuos darbneicys, JAMs ar „Stoptime”, „Mad HeadZ Crew”, „Dynamic Hit” i Maltys doncuotuojim. Taipat ari bīta-taiseišonys prīšknasums ar ALEXXX X FOXXXZ i Jezupu Žoglu.

ĪLYUGUMS IZ 31. AUGUSTA PASUOKUMU

KVĀPS feat VĪTNĪKS – ES ŠUDIŅ NAŠUCEJU

INTERVEJA AR „AUSMEŅA RECORDS” IDEJISKŪ TĀVU ALDIKU