Bolvu centraluo biblioteka izsludynoj Latgolys folklorys vuokuma konkursu „Apleicīne 2”. Konkursa nūrisi finansiali atbalstejuse Vaļsts kulturkapitala fonda Latgolys kulturys programma. Konkurss ir turpynuojums pārn aizsuoktajam projektam „Apelicīne” i tys veļteits nūvoda folklorys vuoceju aktivitiešonai i Ontona Slišāna dzeiviszinis pīminiešonai.

„Navaicojit, kam tys vyss vajadzeigs! Kotra darbeiba, kas vēļ nūstyn apsyunojūšu akmini, lai tyktu palaista breiveibā dzeiveiba, kureimū tys pīmīdzs pošā juos plaukumā, ir cīši, cīši vajadzeiga.”
(Ontons Slišāns)

NŪLYKUMS

Mierkis i aizdavumi

Apzynuot i atbaļsteit Latgolys nūvoda cylvākus, kas vuoc, poularizej i sagloboj Latgolys folkloru sevkurā izpausmē, taidā veidā turpynojūt O. Slišāna īsuoktuos tradicejis i organizejūt folklorys vuokuma konkursu „Apleicīne 2”.

Aizdavumi

Rūsynuot Latgolys lokaluos kulturvidis pietnīku sistematizētu darbeibu sova nūvoda vierteibu apzynuošonai, pīraksteišonai, puormontuošonai, latgaliskos pašapzinis styprynuošonai
Apzynuot tūs cylvākus, kuri Latgolā vuoc folkloru
Izsludynuot un nūorganizēt lokaluos folklorys vuokuma konkursu „Apleicīne”
Popularizēt Latgolys namaterialū kulturas montuojumu sova nūvoda ļaudim i puornūvodnīkim
Lobuokūs dorbus publicēt www.balvurcb.lv/kb i c. izdavumūs

Organizatori

Bolvu centraluo biblioteka sadarbeibā ar Bolvu nūvoda pošvaļdeibu i Vileks nūvoda dūmi
Rēzeknis Augstškolys Humanitarūs zynuotņu katedra
SIA „Latgales reģionālā televīzija”

Vuokuma konkursā pīsadola:

Sevkurs Latvejis īdzeivuotuojs, kas vuoc Latgolys nūvodu folkloru.
Sevkurs Latvejis īdzeivuotuojs, kurs savuocs sovys dzymtuos apleicīnis voi kaidys cytys Latgolys vītys eipatnejū, lokalū folklorys kluostu.
Konkursā teik īskaiteiti tī daleibnīki, kuri viertiešonai pīduovoj vysmoz 5 puosokys ci 20 tautys dzīsmis, ci 10 garuos dzīsmis, ci 10 -20 eisuos folklorys vīneibys, voi cytys lokaluos folklorys izpausmis, pīmāram, vīnys vītys tradiceju aprokstu, vārā jamamā apjūmā.

Konkursa laiks i dorbu īsnīgšona:

Konkurss nūteik nu 2012.goda septembra da 2012. goda 30.novembram
Dorbi juoīsnādz datorsalykumā ci ar rūku raksteiti, nu skaidri skaitomi Bolvu centralajā bibliotekā, Bolvūs, Tirgus ielā 7, LV 4501 da 30. novembram (posta štempeļs 25. novembris)
Īsnādzūt dorbus konkursam, juonūroda sovs adress, e-posta adress ci telefona numers ci cyta informaceja, kab organizatori var ar kotru daleibnīku vīgli sasazynuot.

Viertiešona

Kai konkursa cīneigs vuokums teik skaiteits taids lokaluos folklorys vuokums:
kas nav publicāts leluokajūs folklorys izdavumūs,
kaidā konkretā pogostā voi cīmā pīraksteits folklorys vuokums ci
kaida konkreta cylvāka goreiguo montuojuma pīroksts,
saturūšs zinis par teicieju,
vuokums īsnīgts originalvolūdā.

Nūslāgums, apbolvuošona

Konkursa rezultatus viertej organizatoru kūpeigi sataiseita viertiešonys komiseja:
Andris Kazinovskis, Bolvu nūvoda dūmis prīšksādātuojs,
komisejis gūda prīšksādātuojs
Andris Slišāns, Upeits tautys noma vadeituojs
Ilga Šuplinska, Dr.phil. Rēzeknis augstškolys asociātuo profesore
Anna Rancāne, dzejneice, Latgolys regionaluos televizejis ziņu dīnasta vadeituoja.

Konkursa nūslāgums nūteik Ontona Slišāna dzimšonas dīnā 28.decembrī, 2012. godā Bolvu Centralajā bibliotekā
Vysi konkursa daleibnīki sajam personeigus īlyugumus iz nūslāguma pasuocīni.
Konkursa naudys bolvu fonds sastuoda Ls 600 (pyrma nūdūkļu nūmoksys). Tū sastota Bolvu nūvoda pošvaļdeibys, Vileks nūvoda dūmis i nu Latgolys kulturys projektu konkursa (VKKF) sajimtī leidzekli .
Viertiešonys komisejai ir tīseibys izlemt par naudys bolvu lelumu i daudzumu atbylstūši īsnāgtūs folklorys vuokumu saturiskajai vierteibai.
Vysi konkursa daleibnīki sajam gondarejuma bolvys par pīsadaleišonu.
Seikuoku informaceju par konkursu var dabuot, zvonūt Rutai Cibulei: 64522168, 29213768.

Karteņā – kadri nu pārnuo goda Latgolys folklorys vuokuma konkursa “Apleicīna” nūslāguma pasuokuma, foto nu Bolvu Centraluos bibliotekys arhiva