Jau šudiņ vokorā Vileks nūvoda Upeitē nūtiks tradicionalais mīlesteibys aiļu i dzīšmu festivals “Upītes Uobeļduorzs”, bet pa itū nedeļgolu vēļ ir īspieja apceļuot kaidu nu pīcu Atzelis nūvoda apceļūšonys maršrutu i izbaudeit rudini!

Leidz 15. oktobram sevkurs grybātuojs vēļ var paspēt apsavērt kaidu nu pīcu maršrutu, kurī sataiseiti senejā Atzelis nūvodā. Atzele pyrmū reizi rokstūs pīmināta 1111. godā Novgorodys hronikā. Gaujīnā bejusi Atzelis piļs, bet nūsaukums tics lītuots ari plašuokys teritorijis apzeimuošonai. Atzelis rūbežys vysaidūs laikūs izamainejušys, īkļaunūt sevī Olyuksna, Bolvu, Guļbinis apleicīni, taipat i Abrenis teritoreju.

Vysi pīci maršruti sataiseiti ceļuojumam iz diveju dīnu, kab izbaudeit pīrūbežys cylvāku vīsmīleibu.
Informaceju par vītom, kur palikt par nakti, gordai paēst i interesnai atsapyust, var atrast īsaisteitūs nūvodu sātyslopuos i turisma informacejis centrūs:
Olyuksna – 64322804, 29130280  http://www.aluksne.lv
Ape – 64322273, 29439207  http://www.apesnovads.lv
Gaujīna – 64381601, 28386923  http://www.apesnovads.lv
Bolvi – 64522597, 29272948  http://www.balvi.lv
Guļbine – 64497729, turists@gulbene.lv   http://www.gulbene.lv

Tūs, kas ir bejuši kaidā nu maršrutā īkļautūs objektu i atsyutejuši 3-5 sovu pīdzeivuojumu fotokartenis, gaideis nūslāguma bals “Legendu nakts” Bolvu muižā 27. oktobrī.
Fotokartenis ar pīdzeivuojumim tiks gaideitys leidz 19. oktobram iz e-postu atzelesakcija@gmail.com.

 Bukletā radzams vacuos Atzelis ordeņa pils zeimiejums. Zeimiejs J. V. Krauze 1790. godā. Latvejis Universitatis Akademiskuo biblioteka

“Apceļo Atzeli” – 5 maršruti rudiņa mekliejumim