Saļnovys amaterteatris iz Latvejis Universitati vess „Mada pūdu”
![Saļnovys amaterteatris iz Latvejis Universitati vess „Mada pūdu”](https://www.lakuga.lv/wp-content/uploads/2012/09/mada-puds.jpg)
22. septembrī 16:00 Latvejis Universitatis Humanitarūs zynuotņu fakultatē byus nūsaverama Saļņovys amaterteatra izruode „Mada pūds”.
Izruode „Mada pūds” aba spielejams gobols treis cielīņūs topuse bīdreibys „Kūzuls” saraksteitajā i Kulturys ministrejis atbaļsteitajā projektā „Sajutīsim latgalisko garšu, spēlējot teātri”.
Projekta mierkis beja īstudēt A. Dančys komedeju „Mada pūds” Kuorsovys nūvoda Saļņovys pogosta tautys nomā i izruodi ruodeit na viņ sovā, nu ari sābru nūvodūs. Kai izsver projekta eistynuotuoji – izruodis īstudiešona i izruodeišona veicynuos vītejuo regiona kulturys vierteibu – latgaliskuos kulturvidis, volūdys, tradicejis saglobuošonu, kai ari jaunatnis interesi par latgaliskuos kulturvidis atteisteišonu austrumu pīrūbežā.
Idejis autori – bīdreiba „Kūzuls” rodusīs 2006. godā, kod tymā apsavīnuojušys aktivuokuos Saļņovys sīvītis.
Komentari