Ludzys jaunīšu portals OpenLudza i klubs „Lietussargs” organizej jaunūs izpiļdeituoju i dzīšmu konkursu “Ludzys bolss 2012”, kab rūsynuot Ludzys nūvoda jaunūs izpiļdeituojus sacerēt sovys dzīsmis i tai sevī atkluot jaunus talantus. Konkurss nūtiks kluotīnē 2012. goda 13. oktobrī Ludzys Bārnu i jaunīšu centra zalā, Tierga īlā 22.

Lobuokuos dzīsmis tiks īraksteitys studejā, tiks izdūts disks i par jom stuosteis jaunīšu portala OpenLudza, juos popularizēs Ludzys nūvodā. Lobuokajom dzīsmem konkursā tiks pīškiertys treis nominacejis: vysu melodiskuokuo dzīsme, klauseituoju favorits, vysu skaistuokī vuordi. Golvonī viertiejuma kritereji ir dzīsmis originalitate i izpiļdejuma kvalitate.

Konkursa daleibnīku vacumam i dzīsmis garumam nav īrūbežuojuma, bet vīnam solistam ci grupai ļauts pīsaceit i izpiļdeit viņ div dzīsmis. Izpiļdeituojam byus dzeivajā juodzīd poša voi kaida Ludzys nūvoda īdzeivuotuoja sacarāta dzīsme. Konkursa nūlykumu meklej ITE.

 Konkursam juopīsasoka da ituo goda 30. septembra, iz e-postu openludza@inbox.lv aizsyutūt aizpiļdeitu pīsacejumu.  Pīsacejumu meklej ITE.

Vaira dazynuošonys pi organizatoru. Kontakti: Ēriks Bimbirulis – 22496566.

 Projektu „Ludzys Bolss 2012” finansej Ludzys nūvoda pošvaļdeiba.