Daugovpiļs teatris viestej, ka aktrisis Aldys Krastenis tyvynīka zaudejuma deļ, teik atcalta paradzātuos izruodis „Vosorys saulgrīžu burvesteibys” pyrmizruode 5. oktobrī i izruode 6. oktobrī.

Pyrmizruodis datums tiks izziņuots piečuok – sekojit leidza informacejai.

„Vosorys saulgrīžu burvesteibys” ir slavanuo angļu dramaturga Viljama Šekspira romantiskuos komedejis „Sapyns vororys naktī” interpretaceja latgaliski.

Monikys Zeilis tulkuots i pīmāruots, Šekspira klasiskais lugys sižets i varūni teik puorcalti iz Latgolu ar tai rakstureigū skatejumu iz dzeivi, temperamentu i ījiukšonom. Jaunīstudejuma režisors Viktors Jansons atkluoja, ka izvadumā grib runuot par mīlesteibu, sadolūt tū pa daļom, kab kotru nu tuom apsavārtu pa sevim. Taipat izruodis režisors lugys sižetu skateituojim īceriejs padūt naparostā veidā, izruodis prīškplanā izvierzūt kusteibu i skonu.

Izruodis pamatā ir stuosts par četrim meilātuojim, kurī dažaidu intrigu i puorpratumu rezultatā teik īrauti nabeidzamā karsmis vārputa, atkluojūt tū, cik mīlesteiba var byut okla i cik dažaidi te var ītekmēt kotru nu mums.

Interveju ar Moniku Zeili par jaunū īstudiejumu var nūsaklauseit aizguojušuos nedelis raidejumā „Latgolys Vuords”.