26. oktobrī Aizkaļnis aba Juosmuižys Tautys nomā (Aizkaļne, Preiļu nūvods) nūtiks konfereņce „Latgolys keramika. Tradicejis i puormontuojameiba”.

Konfereņcis suokys 11:30 i tei byus divejuos daļuos ar diskuseju golā.

Konfereņcei teik reikuota, kab aktualizātu keramikys tradiceju puormontuojameibu, saglobuošonu i atteisteibu, Latgolys keramikys vacmeistaru davumu, atzeimejūt vairuokū pūdnīku jubilejus. 100 godu itūgod ir Ontonam Ušpeļma (senioram), bet 85 – Onotnam Šmulānam i Vatslavam Zagorskim.

Konfereņcē pīsadaleis vairuoki Latgolys keramikys lauka specialisti. Konfereņcis laikā byus apsaverama vacmeistaru – 2012. goda jubilaru – dorbu virtualuo izstuode. Konfereņcis golā paradzāta diskuseja par Latgolys keramiku myusu dīnuos i tuos atteisteibu iz prīšku.

Konfereņcis programa:

I daļa
11:30 – 11:50 Solvita Brūvere (Raiņa i Aspazejis muzeja vadeituojis vītineica, Mag. art.) „Latgolys keramikys kolekceja Juosmuižā”.
11.50 – 12.10 Gaida Jablovska (Raiņa i Aspazejis muzeja izgleitojūšuo dorba i dorba ar apmaklātuojim vadeituoja, Mag. philol.) „Ekspedicejis pa Latgolys keramikys ceplim”.
12.10 – 12.30 Andris Ušpeļs (keramikis, TLMS „Rēzeknes apriņķa podnieki” vadeituojs) „Ušpeļu dzimtys keramiki – paaudžu montuojums”
12.30 – 12.50 Imants Klīdzējs (muokslenieks, pietnīks, Mag. art.) „Pūdnīceibys tipologiskī aspekti 20. godu symtā”.

12.50 – 13.10 – kopeja strēčeite

II daļa
13.10 – 13.30 Janīna Kursīte (Dr. habil. philol.) „Latgolys keramikys fenomens”
13:30 – 13.50 Valentīns Petjko (keramikis, Mag. art.), TLMS „Latgale” daleibnīks) „Latgolys keramikys tradicejis Daugovpilī”
13.50 – 14.10 Mairita Folkmane (DU MMF Muokslu katedrys docente, muokslineica, Mag. paed.) „Latgolys keramika kai izpietis tema Daugovpiļs Universitatis studentu dorbūs”
14.10 – 14.30 Ilona Šauša (muokslineica, kulturys menedžere, Daugovpiļs Muola muokslys centra projektu vadeituoja, bīdreibys „Baltic raku” prīšksādātuoja) „Gryudeituo keramika i tuos atteisteibys īspiejis”

14.30 – 15.00 diskuseja par Latgolys keramiku myusu dīnuos. Diskuseju voda keramikis Andris Ušpeļs.

Aicynuoti vysu grybātuoji! Pyrma tam vālama dasasaceišona da 24. oktobram. Vaira dazynuošonys pa tel. 29487589 (Solvita) ci e-postu jasmuiza@memorialiemuzeji.lv.

Konfereņci taisa VA „Memoriālo muzeju apvienība” Raiņa muzejs „Jasmuiža”. Konfereņci atbolsta: VKKF, MMA i Aizkaļnis tautys noms.