Itymā svātdinē, 28. oktobrī LTV1 programā 21:40 byus nūsaverama vuocu kina „Zvaigznis nu dabasim” (Das Blaue vom Himmel), kurymā skaņ ari Daugovpiļs folklorys kūpys „Svātra” bolsi latgalīšu tautys dzīsmē „Aizkryta sauleite”.

Kina „Das Blaue vom Himmel”, kurys režisors ir Hans Štainbihlers, ir kinu kompaneju „Die Film GMBH” i Warner Bros dorbs, kurymā viesteits par golvonuos varūnis Madgys dzeivis dramu, kas teik atkluota caur nūtikšonom Latvejā vaļsts liktinī svareigūs laikūs – 1940. godu suokuos i 1990. godu suokuos. Kina taiseta Vuocejā – Minhenē, Vupertalē, Heiligendamā, Berlinē, kai ari 2010. godā puora kinys epizodis taiseitys ari Reigā. Kinys masu skotūs i epizodiskuos lūmuos filmiejušīs ari latvīšu akteri.

„Svātrys” dzīduotū „Aizkryta sauleite” kinys komponists Niki Reisers  īraudzeja video apmainis portalā youtube.com i izdūmuoja izmontuot kinā – dzīsme klavīrmuzykalā komponista apdarē ir kinys muzykalais pamatmotivs.

Ar kinys sižetu var īpasazeit LTV1 sātys lopā: http://www.ltv1.lv/lv/filmas/24272/

Kinys reklamys video:

Svātra – Aizkryta sauleite

Informacejis olūts: www.latgale.lv

Karteņā – kadrs nu kinys, publicitatis materiali