Saļņovīši eistynoj projektu ar izruodi “Mada pūds”

Saļņovīši eistynoj projektu ar izruodi “Mada pūds”

Jau viestejom, ka bīdreiba „Kūzuls” sadarbeibā ar Saļņovys amaterteatri Kulturys ministrejis programā „Navalstiskū organizaceju atbolsts integracejis laukā” eistynoj projektu „Sajussim latgaliskū „garšu” spielejūt teatri”. Projekta laikā sataiseits īstudiejums latgaliski, izmontojūt vītejuos autoris Annys Dančys lugu „Mada pūds”.

Komedeja „Mada pūds” ir nu serejis „smīkli caur osorom”. Kotram reizi dzeivē daīt nu varbyut daīs taida šaļts, kod vīntuleibys muokti suoksim tīsuotīs ar sovu sirdsapziņu. Paguotnis klaidys na vysod izadūd tik vīnkuorši i nasuopeigi atrysynuot. Apleik cylvāki spītoj kai bits, meklejūt sev lobuokū „mada pūdu”. Vīntuļajim tys teik maklāts ūtra cylvāka dvēselē, montkuoreigī kai lapsinis raudzeis īkāruot tū, kas jim nimoz nav pīderiejs i napīderēs – svešu montu, naudu. Kaids nu reita pasamūss i saprass, ka ir dzeivuojs kūpa ar napareizū cylvāku, nu tīpat sūpluok jauneiba izsepines mīlesteibys sapynus. Osorys nūkaļtēt raudzeis divdūmeigys situacejis „iz dzeivis”, nu vysam garšu dūs vīnkuoršuo i reizē naatkuortojami bogotuo latgalīšu volūda ar sovim truopeigajim izteicīnim, kotram Latgolys nūvodam tik rakstureigū izlūksni i vuordim (susātivs, vadzs, ručinīks, benčs, nūzakomuojs i c.).

Ar īstudātū izruodi „Mada pūds” Saļņovys amaterteatris ir uzastuojs gon dzymtajā Kuorsovys nūvodā, gon bejs sābru nūvodūs. Jau byuts gostūs Ludzā, Rēzeknē, Bolvūs i Viļānūs. Niu kuorta Vileks nūvodam i tyvuokuos paradzātuos izruodis byus 10. novembrī 16:00 Vilekī i 19:00 Rekovā.

Informacejis olūts: Kuorsovys nūvoda sātys lopa.

Karteņos – izruode „Mada pūds”, publicitatis materiali.

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]