Latgola piec reformys – raidejums „Pi myusim Latgolā!” 16.11.2012.
![Latgola piec reformys – raidejums „Pi myusim Latgolā!” 16.11.2012.](https://www.lakuga.lv/wp-content/uploads/2012/11/varakļuonu-piļs.jpg)
Pīduovojam nūsaklauseit producentu grupys SIA „Lietišķā Latgale” taiseituo raidejuma „Pi myusim Latgolā!” ūtrū raidejumu par īsuoktuos administrativi teritorialuos reformys īspiejom i sekom Latgolā.
Sovys dūmys administrativi teritorialuos reformys sakarā izsaceis Varakļuonu, Murmastīnis i Stiernīnis īdzeivuotuoji, Varakļuonu nūvoda dūmis prīšksādātuoja Modra Vilkauša i Bolvu nūvoda dūmis prīšksādātuojs Andris Kazinovskis, kai ari nu Latgolys īvālātī Latvejis Saeimys deputati, nu sovu redziejumu latgaliskuos kulturys saglobuošonānu Latgolys atškaltajuos teritorejuos izsaceis varganiste, Latvejis Lapnums 2010 pateiceibys sajiemieja, stiernīnīte Ieva Zepa.
Raidejumu cykls „Pi myusim Latgolā!” teik taiseits Nacionaluos Elektroniskūs plašsazinis leidzekļu padūmis reikuotuo konkursa „Par raidejumu taiseišonu regionalajūs i vītejūs elektreoniskajūs plašsazinis leidzekļūs, kas raida radeju programys, Latgolys regionā” ītvorūs.
Raidejumu cyklu taisa producentu grupa SIA „Lietišķā Latgale”, pīaicynojūt vītejūs žurnālistus, i da ituo goda beigu planavuots sataiseit ostiņus raidejumus par Latgolys regionā aktualom i nūzeimeigom temom kai administratīvi teritorialuo reforma i tuos ītekme iz īdzeivuotuoju kasdīnu, latgalīšu volūdys aktualizaceja, tautīšu reintegraceja i cytys.
Raidejums „Pi myusu Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lv, latgale.lv i i-rezekne.lv.
Karteņā – Varakļuonu piļs, foto olūts: http://www.poga.lv/photos/type44/photo:359800/
Komentari