Latgolys jaunī muziki aicynoj iz lobdareibys koncertim

Latgolys jaunī muziki aicynoj iz lobdareibys koncertim

Storp Zīmyssvātkim i Jaunū godu par tradicionalom nūtikšonom Latgolys bazneicuos ir klivuši Latgolys jaunūs muziķu lobdareibys koncerti – itūgod „Miera nesējs…”.

Koncerti Ludzā, Nierzā, Viļānūs i Rēzeknē īzeimej eipašū laiku storp divejim goda jaukuokajim svātkim, kuru eipaši magiskajā gaisūtnē sevkurā sirdī īleist gaišs syltums, gaidys, cereibys i speiteiga apsajimšona kliut lobuokim. Itūgod koncertu „Miera nesējs…” laikā tiks vuokti zīduojumi, kab paleidzātu kliut vasalim 8 godus vacajam Dmitrijam i 18 godus vacajam Sergejam.

Pārn koncertā „Iz engeļa spuorna” Latgolys jaunīši apsavīnuoja, kab paleidzātu rēzeknīšam Krišjuoņam, bet 2010. goda izskaņā koncertā „Veļtejums” zīduojumi tyka vuokti mozuos Elizabetis veseleibys uzlobuošonai.

Koncertūs „Miera nesējs” muzicēs vokalais ansamblis „Knifs”, dzīduotuoja i komponiste Guntra Kuzmina, Zīmyssvātku muzykaluo apvīneiba i c. Koncertūs skanēs jaunū Latgolys komponistu muzykaluos kompozicejis.

Koncertu nūtikšonys 29. decembrī 11.00 Ludzys Rūmys katuoļu bazneicā, 15.00 Nierzys kulturys nomā, 30. decembrī 9.00 Viļānu Rūmys katuoļu bazneicā, 17.00 nūslāguma koncerts Rēzeknis Suopu Dīvmuotis bazneicā.

Latgolys Regionaluos televizejis sižets par pārnuo goda lobdareibys koncertu

 

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]