Bolvu nūvoda pošvaļdeiba izsludynuojuse jaunatnis iniciativu projektu konkursu, kura mierkis ir atbaļsteit jaunatnis īsakļaušonu ekonomiskajūs, socialajūs i kulturys procesūs Bolvu nūvodā. Konkursā pīsadaleit aicynuotys jaunīšu navaļstiskuos organizacejis, jaunīšu klubi, jaunīšu centri, školānu pošpuorvaļdis, jaunīšu naformaluos interešu grupys, školānu vuiceibu formys i individualuos personys, kurys dorbojās Bolvu nūvoda pogostūs.

Projekta pīteikumi juoisnīdz Bolvu nūvoda pošvaļdeibys Izgleiteibys kulturys i sporta puorvaļdē (Sporta īlā 1, LV-4501, 5. kab.) leidz 2013. goda 28. martam ci syutūt pa postu leidz 26. martam.
Kūpejais budžets jaunatnis iniciativu projektu eistynuošonai 2013. godā ir 2000 latu.

Īsapazeit ar konkura nūlykumu i lejupluodēt pīsacejuma anketu var tuoļuok.

Karteņa: LaKuGys arhivs
Ziņu sagataveja: LaKuGa