Raiņa Daugovpiļs 6. vydsškola sadarbeibā ar Raiņa sātu–muzeju Berķenelē suoc jaunu tradiceju, nūdarbeibu cyklu „Lasījumi par Raini”.

Jau piec dažim godim – 2015. godā – Latvejā tiks svieteits Raiņa 150 godu jubilejs. Natuoli nu Daugovpiļs, Randenē, Berķenelē, paguoja Juoņa Plīkšāna aba Raiņa bierneiba, bet Grīvys Vuocu školā (niu Raiņa Daugovpiļs 6. vydsškola) jis vuicejuos četrus godus.

Tradiceja teik suokta ar mierki atguodynuot sabīdreibai par Raini kai literatu i aktivu kulturys darbinīku. Idejis autore – J. Raiņa Daugovpiļs 6. vydsškolys latvīšu volūdys i literaturys školuotuoja i školys viesturis pietneica Iveta Vasitova – aicynoj apmeklēt Raiņam veļteitūs lasejumus, kuru laikā interesentim byus īspieja īsapazeit ar agruokajim i jaunuokajim pietejumim gon par Raiņa dzeivi, gon daiļradi.

Pyrmuo tikšonuos nūtiks 5. februarī J. Raiņa Daugovpiļs 6. vydsškolā 12.30 stuņdēs. Lekcejis tema byus „Rainis Kastaņolā”, i tū vadeis LU Literaturys, folklorys i muokslys instituta pietneica literaturzynuotnīce Gundega Grīnuma. Iz lekceju juopīsasoka da 1. februaram pa telefonu 65432102 ci elektroniski ilona.bohane@inbox.lv.

Sovukuort 6. februārī Raiņa sātā Berķenelē nūtiks lekceja „Rainis kā lasītājs”. Iz lekceju juopīsasoka da 1. februaram pa telefonu 29272200 ci elektroniski berkenele@inbox.lv.

 Karteņa: visitdaugavpils.lv
Ziņu sagataveja: LaKuGa