Ar Latvejis Nacionaluos bibliotekys Atbolsta bīdreibys i privātūs zīduotuoju guodeibu sovu dīnys gaismu paguojušuo goda nūgalē īraudzeja atkuortuots  Pītera Stroda „Pareizraksteibas vōrdneicys” izdavums. Pyrmū reizi tei tyka izdūta 1933. godā, vuordineica atkuortuoti laista klajā, lai uzsvārtu Latgolys kulturmontuojuma i volūdys unikalitati i atguodynuotu par tuos aizsardzeibu i saglobuošonu.

Vuordineicys 950 eksemplari tiks duovynuoti Latvejis regionalajom bibliotekom, Reigys Centralajai i Latvejis Nacionalajai bibliotekai, kai ari ar Latgolu saisteitom školu bibliotekom.

Pīters Strods kai 1928. godā Latvejis Izgleiteibys ministrejis īcaltais Latgalīšu volūdys pareizraksteibys komisejis prīšksādātuojs sastuodeja i izdeve latgalīšu volūdys pareizraksteibys vuordineicu, kas baļstejās iz 1929. goda 19. junī ministrejis apstyprynuotuo ortografejis projekta. Atkuortuots 1933. goda izdavums tyka izdūts ari Daugovpilī 1990. godā.

Ziņu sagataveja: LaKuGa