Par Leldīnom juovuora ūlys, lai opolys teleitis barojās.

Leldīnā nūdātū ūlu vajag likt izperēt, jū nu tuos ūlys izīs skaista i diejeiga visteņa.

Leldīnē vajag pajimt svieteituos tukluos galis gabaleņu i nūlikt leidz tam laikam, kod suoc labeibu pļaut, i pyrmū reizi ejūt pļautu, vajag nusmērēt sierpu ar tū tuklū gali, tod pelis naēss labeibu. Svieteibu vajag cīši sorguot nu pelem, ja pelis daboj ēst svieteitu maizi voi gali, tad palīk par plykspuornim i dora cylvākim vysaidus ļaunumus.

Kas zam Leldīnis lelajā saistdīnē ēss vairuok zierņu, tod itei pīzīmēj, ka tys byus boguots cylvāks.

Kas Leldīnā pyrmais atbrauc nu bazneicys, tys vysu godu pyrmais pi dorba i tureibys.

Ja meita gryb zynuot, nu kurys pusis nuoks precinīki, tad Leldīnys prīkšvokorā uz dziernovom juomaļ odamū odotu; kurā dziernovu pusē caur akminim odota izīs, nu tuos pusis precinīki brauks.

LaKuGa vielej vysim skaiteituojim prīceigu Leldīni!

Karteņa: LaKuGys arhivs
Ziņu sagataveja: LaKuGa