Dzīduotuoja Biruta Ūzuleņa (Biruta Ozoliņa) i DJ Monsta klauseituojim pīduovoj sovu pyrmū singlu „Kur tu īsi buoleleni” nu gaidomuo debejis albuma „Sauli sēju”.

Dzīsmis „Kur tu īsi buoleleni” ir nu Ilyukstis pusis i viestej par vīnu nu cylvāka dzeivis svareiguokajom vierteibom – saimi. Par sovstarpejom attīceibom, par aizstuoveibu, par  pīsardzeibu. Par vierteibom, kurys navā arhaiskys, nu taišni preteji – aktualys ari niu.

Albums „Sauli sēju” izīs ituo goda junī. Tymā byus apvīnuotys Latgolys i Kūrzemis nūvodu tautysdzīsmis, kuruos, nazaudejūt sovu pateibu i autentiskumu, ir organiski saplyudušys ar eletroniskuos muzykys ritmim. Albumu izdūd „LikeISaid Agency”.

Birutys Ūzulenis i DJ Monsta sadarbeiba suocēs 2010. godā i tū motivej mīlesteiba iz vysu senejuokū latvīšu tautys muzyku. Nu 2012. goda projekta muziķu sastuovā ir ari kontrabasists Tuoms Poišs (Toms Poišs) i perkusionists Mikus Čavarts.

Informaceja nu projekta producentim
Karteņa – albuma „Sauli sēju” vizualais materials