Latvejis televizeja, sagaidūt XXV Vyspuorejūs latvīšu Dzīšmu i XV Deju svātkus, skateituojus prīcēja ar pozitivūs emoceju raidejumu “Lai top!”. Svātdinis nūslāguma raidejumā ar sovu prīkšnasumu pīsadaleja Latgolys patriots i grupys “Baltie lāči” dalinīks Andris Baltacis kūpā ar Baļtinovys teatri “Palādas”. Kur sovu rūku pīlīk “Palādas”, tī smīkli garantāti, ari itūreiz tys nabeja izjāmums. Raidejuma skateituoji varēja bolsuot par sirsneiguokū prīkšnasumu, i taišni latgalīši īgiva skateituoju simpatejis.

Kas napaspēja redzēt raidejumu, var tū nūsavērt škārsteiklā.

Karteņa: ekranšuovīņs nu raidejuma
Ziņu sagataveja: LaKuGa